1 CORINTIOS 14:15 - Nuevo Testamento en Quichua Cañar 1996

¹⁵ Shinashpaca, ¿imata ruhuasha? Ñucaca espirituhuanpish, yuyaihuanpish mañanami cani. Shinallatac espirituhuanpish, yuyaihuanpish cantanami cani.

Dios Rimashcata Quillcashcami

¹⁵ Shinashpaca, ¿imatatac ruhuasha? Espirituhuanpish, yuyaihuanpishmi mañasha. Shinallatac espirituhuanpish, yuyaihuanpishmi cantasha.

1 CORINTIOS 14:15 Referans Kwoze

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

SAN JUDAS 1:20

Ashtahuanpish c'uyashca criccuna, Diospaclla cachun cushca crinata allita c'atiraichic. Diosman mañashpapish, Diospac Espíritu yuyaita cushca shina mañaichic.

1 CORINTIOS 14:19

Shina cashpapish chunga huaranga rimaita jaicapi mana uyashca rimaipi rimanapac randica, tandanacushca criccunata yachachingapacca entendinalla pichca rimaicunallatami rimasha nini.

1 CORINTIOS 10:19

Chashna nishpaca, mana ruhuashcalla dioscunata allimi ninichu. Shinallatac ruhuashcalla diosman cushpa huañuchishca aichami shuc aichacunata yalli alli nishpapish, mana ninichu.

ROMANOS 3:5

Cunanca gentecuna yuyashca shinami ñuca yuyaillamanta rimagrini: Ñucanchic mana allita ruhuashcacunallatac Taita Diosca cashcata ruhuac cashcata ricuchicpica, ¿imatatac nishun? ¿“Taita Dios llaquichicpica, millaimantami llaquichin” nishunchu?

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca tucui shunguhuan paipacta ruhuashpami, paipac Churimanta alli huillaita huillacuni.

FILIPENSES 1:18

Alli shunguhuan cashpa mana alli shunguhuan cashpapish, Cristomantami huillacuncuna. Chaimantami maijancuna llaquichina yuyaihuan huillacucpipish, ñucaca cushicuni. Shinallatac ashtahuanmi cushicusha.

ROMANOS 8:31

Shina cacpica, ¿imatatac nishunyari? Taita Dios ñucanchichuan cacpica, ¿pitac ñucanchictaca llaquichi pudingayari?

HECHOS 21:22

Can shamushcata yachashpaca, tucui mashnami tandanacumunga. Shinashpaca, ¿imatatac ruhuashun?

1 CORINTIOS 14:14

Jaicapi mana uyashca rimaipi Taita Diosman ñuca mañashpaca, ñuca espirituhuan mañacushcatami yachani. Shina cacpipish ñuca yuyaipica, imata mana entendinichu.

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

SANTIAGO 5:13

Cancunapuramanta maijanpish llaquilla cashpaca, Taita Diosman mañachun. Maijanpish cushilla cashpaca, Taita Diosta alli nishpa cantachun.