1 CORINTIOS 12:28 - Nuevo Testamento en Quichua Cañar 1996

²⁸ Taita Diosca tandanacushca criccunapurapica, puntaca Jesús acllashca huillaccuna tiyachun, q'uipaca Dios ima nishcata huillaccuna tiyachun, chaipac q'uipaca yachachiccuna tiyachunmi munan. Shinallatac pi mana ruhuaipacta ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

Dios Rimashcata Quillcashcami

²⁸ Diosca tandanacushca criccunapurapica, puntaca apostolcuna tiyachun, quipaca Dios ima nishcata huillaccuna tiyachun, chai quipaca yachachiccuna tiyachunmi munan. Shinallatac milagrocunata ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 12:28 Referans Kwoze

1 CORINTIOS 12:18

Ashtahuanpish Taita Diosca ch'ican ch'ican partecunatami, maipimi alli cana cacpi cuerpopica churashca.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Taita Diosca paipaclla cac acllashca huillaccunamanpish, paimanta huillaccunamanpish ricuchishca.

HEBREOS 13:24

Tucui cancunata pushaccunatapish, shinallatac Diospaclla cac tucui criccunatapish “allilla cashca cachun” ninchicmi. Italia llactapi causac criccunapish, “allilla cashca cachun” nishpami cachancuna.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

1 TIMOTEO 5:17

Tandanacushca criccunata allita pushaccunaca, tucuimanta yallitami japina can. Ashtahuancarin alli huillaita huillashpapish, yachachishpapish puriccunami yallita japina can.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta ñaupa huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

1 CORINTIOS 10:32

Cancunaca israelcunatapish,*f** mana israelcunatapish,*f** shinallatac Diospaclla cac tandanacushca criccunatapish ama ima mana allita ruhuashpa pandachichicchu.

SAN LUCAS 6:14

Chai acllashcacunaca shucca Simonmi carca. Paillatatacmi Pedro shutita Jesusca shutichirca. Simonpac huauqui Andrespish carcami. Shinallatac Jacobo, Juan, Felipe, Bartolomepish carcami.

MARCOS 16:17

Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.

HECHOS 11:27

Chai punzhacunapimi, Diosmanta huillaccunaca Jerusalenmanta Antioquía puebloman shamurcacuna.

1 CORINTIOS 12:29

Mana tucuichu Jesús acllashca huillaccuna, Dios ima nishcata huillaccuna, yachachiccuna, shinallatac pi mana ruhuaipacta ruhuaccuna can.

1 CORINTIOS 12:30

Shinallatac mana tucuichu ungushcacunata jambiccuna, jaicapi mana uyashca rimaita rimaccuna, shinallatac chai rimashca imata nisha nicushcata entendichiccuna can.

1 CORINTIOS 14:2

Maijanpish jaicapi mana uyashca rimaicunata rimacca mana gentecunamanchu riman, ashtahuanpish Taita Diosmanmi riman. Chaitaca pi mana entendinchu. Shina rimashpaca, Diospac Espíritu rimachicllapimi, pi mana entendipacllata riman.

1 CORINTIOS 14:4

Jaicapi mana uyashca rimaita rimacca paipac allipacllatacmi riman, ashtahuanpish Dios ima nishcata huillacca tandanacushca criccuna alli c'atichunmi, chashnaca huillan.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.