1 CORINTIOS 12:27 - Nuevo Testamento en Quichua Cañar 1996

²⁷ Cancunaca Cristopac cuerpo shina cashpami, ch'ican ch'ican partecuna canguichic.

Dios Rimashcata Quillcashcami

²⁷ Cancunaca Cristopac cuerpo shina cashpami, chican chican partecuna canguichic.

1 CORINTIOS 12:27 Referans Kwoze

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

EFESIOS 5:30

Tandanacushca criccunaca Jesucristopac cuerpo shinami. Chaimanta ñucanchicpish Jesucristopac cuerpo shinallami canchic.

ROMANOS 12:5

Chai shinallatac ñucanchicca taucacuna cashpapish, Cristohuan shuc shinalla tucushcamantaca caishuc chaishuc shuc cuerpo shinallami canchic.

1 CORINTIOS 12:12

Cuerpoca shuclla cashpapish, ch'ican ch'ican partecunatami charin. Chashna cashpapish shuc cuerpollami can. Chashnallatacmi Cristopac cuerpomanta nishpapish shuclla can.

EFESIOS 1:23

Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

COLOSENSES 1:18

Shinallatac Cristomi tandanacushca criccunataca uma shina mandacun. Tandanacushca criccunaca paipac cuerpo shinami canchic. Pai manarac ima tiyacpi, ña tiyac cashcamanta, shinallatac huañushcacunapuramanta punta causaric cashcamantami, Taita Diosca tucuita punta cachun churarca.

EFESIOS 5:23

Jesucristoca tandanacushca criccunata uma shina Mandacmi. Shinallatac cusapish huarmitaca uma shina mandacmi. Jesucristoca tandanacushca criccunata Quishpichicmi. Tandanacushca criccunaca Jesucristopac cuerpo shinami.

1 CORINTIOS 1:2

Corinto pueblopi Diospaclla cac tandanacushca criccunamanmi, cai quillcataca quillcanchic. Cancunaca Jesucristohuan shuc shinalla tucushcamanta Diospaclla tucushpa, maipipish Apunchic Jesucristoman tucui mañaccunahuan pacta, pai Diospaclla cachun acllashpa c'ayashcacunami canguichic. Apunchic Jesucristoca tucui paicunapacpish, ñucanchicpacpish Mandacmi.

1 CORINTIOS 6:15

Cancunapac cuerpoca Cristopac cuerpo parte cashcataca, ¿manachu yachanguichic? ¿Cristopac cuerpo parte cashca jahuachu, huaclliric huarmipac cuerpo parte casha? ¡Chaitaca mana yuyanallapish canchicchu!

1 CORINTIOS 10:17

Taucacuna cashpapish, tucuimi chai tandallatatac micunchic. Chai shina cashcamantami tucui criccuna shuc cuerpo shina canchic.

1 CORINTIOS 12:26

Cuerpopi shuc parte llaqui tucucpica, caishuc partecunapish llaquirincunami. Shinallatac shuc parte allita japicpica, tucui partemi cushicuncuna.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.