1 CORINTIOS 12:1 - Nuevo Testamento en Quichua Cañar 1996

¹ C'uyashca criccuna, Diospac Espíritu imata ruhuac cachun cuc cashcatami yachachun munani.

Dios Rimashcata Quillcashcami

¹ Cuyashca criccuna, Diospac Espíritu imacunallata ruhuachic cashcataca yachanami canguichic.

1 CORINTIOS 12:1 Referans Kwoze

1 CORINTIOS 14:37

Maijanpish “Dios ima nishcata huillacmi cani” nicca, mana cashpaca “Diospac Espíritu yuyaita cucpimi, imatapish nicuni” nicca, cai ñuca quillcashcataca Apunchic Jesús mandashca cashcatami yachanga.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

2 PEDRO 3:8

C'uyashca criccuna, caitapish yuyarichic: Apunchic Jesusmanca huaranga huataca shuc punzha shinallami, shinallatac shuc punzhaca huaranga huata shinallami.

1 TESALONICENSES 4:13

C'uyashca criccuna, “huañushcacuna mana causaringachu” niccuna shina ama llaquilla cachunmi, huañushcacuna ima tucuna cashcata yachachun munanchic.

2 CORINTIOS 1:8

C'uyashca criccuna, ñucanchic Asia llactapi ima shina jatun llaquita apashcata yachachunmi munanchic. Chaipica mana apaipac yalli llaquita apashpami, “ña mana ashtahuan causashunchu” nishpa yuyarcanchic.

1 CORINTIOS 10:1

C'uyashca criccuna, ñucanchic ñaupa taitacunaca p'uyu llandupi cashpami, Puca Cuchataca chimbarcacuna. Chaitaca amatac cungaringuichicchu ninimi.

ROMANOS 1:13

C'uyashca criccuna, tauca cutinmi cancunataca ricugrinata munarcani. Shina cashpapish imamantapish jarcarishpami, cancunataca mana ricugrircani. Chaitami yachachun munani. Ñucaca ima shinami shuctac llactacunapi granota tandachic shina criccunata tandachircani, chai shinallatacmi cancunapac llactapipish tandachinata munani.