1 CORINTIOS 11:28 - Nuevo Testamento en Quichua Cañar 1996

²⁸ Chashna cashcamantami manarac micushpa, manarac ubiashpa, quiquin ima shina cashcatarac allita yuyarina can.

Dios Rimashcata Quillcashcami

²⁸ Chaimantami manarac micushpa, manarac ubiashpa, quiquin ima shina cashcatarac yuyarina can.

1 CORINTIOS 11:28 Referans Kwoze

GÁLATAS 6:4

Allita ruhuacushcata, mana allita ruhuacushcata ricungapacca, quiquinllatac ima shina causacushcatami ricuna can. Chashna ricushpami mana shuccunahuan chimbapurashpa, ashtahuanpish quiquinllatac allita ruhuacushcamanta cushicuna can.

2 CORINTIOS 13:5

Cancuna alli cric cashcata yachangapacca, cancunallatac ima shina cashcata yuyarichic. Ima shina cashcataca yuyarichicyari. Jesucristo cancunapac shungupi cashcataca, ¿manachu yachanguichic? Cristo cancunapac shungupi cashcata mana yachashpaca, mana crishpa pandariccunami canguichic.

1 CORINTIOS 11:31

Manarac micushpa, ñucanchic quiquinllatac ima shina cashcata alli yuyarishpaca, mana Dios llaquichishca canchicmanchu.

SAN MATEO 26:22

Chashna nicpica, munai llaquirishpami caishuc chaishuc Jesusmanca: —Apunchic Jesús, ¿canta japichicca ñucachu cani?— nishpa tapurcacuna.

1 CORINTIOS 11:29

Maijanpish Apunchic Jesuspac aicha cashcata, paipac yahuar cashcata mana alli yachashpa micucca, paillatac llaqui tucungapacmi micun, shinallatac ubian.