1 CORINTIOS 11:2 - Nuevo Testamento en Quichua Cañar 1996

² Cancuna tucui imapipish ñucata yuyaricushcamanta, shinallatac ima shina ñuca yachachishcata c'aticushcamantaca, allimi ruhuacunguichic ninimi.

Dios Rimashcata Quillcashcami

² Cancuna ñuca yachachishcata cazushpa, ñucata yuyarishpa causacushcamantaca alli ninimi.

1 CORINTIOS 11:2 Referans Kwoze

2 TESALONICENSES 2:15

Shina cashcamanta c'uyashca criccuna, ñucanchic quillcashpapish, ñucanchic yachachishpapish, imata nishcataca amatac cungarishpa c'atiraichiclla.

1 CORINTIOS 4:17

Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

2 TESALONICENSES 3:6

C'uyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichun ninchic.

1 CORINTIOS 15:2

Shinallatac ñuca huillashca shina alli huillaita c'atirashpaca, cai alli huillaimantami quishpiringuichic. Mana chai shina c'atishpaca, cancuna crishcaca yangami canga.

1 CORINTIOS 11:22

Cancunaca micungapac, ubiangapacca, ¿manachu quiquin huasita charinguichic? Chai shina ruhuashpaca, Diospaclla cac tandanacushca criccunata mana allipi churashpami, imata mana chariccunataca pingaipi churanguichic. ¿Chai shina ruhuaccunataca allimi ninachu cani? ¡Chai shinaca mana ninachu cani!

1 CORINTIOS 11:17

Ashtahuan caicunata nishpaca, “cancuna allitami ruhuacunguichic” nishpaca, mana ninichu. Cancuna tandanacushpaca, allita ruhuanapac randica mana allita ruhuangapacmi tandanacunguichic.

SAN LUCAS 1:6

Paicunaca cusandic huarmindictac Diospac ñaupapi alli causaccunami carca. Pipish mana imata juchanchipac, Dios mandashcacunatapish, yachachishcacunatapish tucuita alli pactachiccunami carca.

1 TESALONICENSES 3:6

Shina cacpipish cunanca Timoteo Tesalonicamanta cutimushpami, cancuna allita crishpa, c'uyanacushpa causacushcata huillashpa cushichirca. Ima shinami ñucanchic cancunata ricuna yuyailla canchic, chai shinallatacmi “paicunapish ñucanchicta mana cungarishpa, punzhanta c'uyaihuan ricuna yuyailla cancuna” nishpami, cancunamantaca huillarca.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic ninimi. Tandanacushca criccunataca maipipish chai shinallatacmi mandani.

1 TESALONICENSES 1:6

Cancuna quishpirinamanta alli huillaita chasquishpami, ñucanchic c'atic shinallatac Apunchic Jesustaca c'aticunguichic. Mai llaquihuan cashpapish, Diospac Espíritu cushichicpimi, cushilla canguichic.