1 CORINTIOS 1:12 - Nuevo Testamento en Quichua Cañar 1996

¹² Cancunapuramanta maijancunaca: “Ñucaca Pablota c'aticmi cani”, shuccunaca: “Ñucaca Apolosta c'aticmi cani”, shuccunaca: “Ñucaca Cefasta*f** c'aticmi cani”, cutin shuccunaca: “Ñucaca Cristota c'aticmi cani” nishcatami nisha nini.

Dios Rimashcata Quillcashcami

¹² Cancunapuramanta maijanca: «Ñucaca Pablota caticmi cani», maijanca: «Ñucaca Apolosta caticmi cani», maijanca: «Ñucaca Cefasta caticmi cani», cutin maijanca: «Ñucaca Cristota caticmi cani» nicuctami uyani.

1 CORINTIOS 1:12 Referans Kwoze

SAN JUAN 1:42

Chaimantami Andresca Simonta Jesuspacman pusharca. Chashna pushacpimi, Jesusca Simonta ricushpaca: —Juanpac churi Simonmi cangui. Cunanmantaca Cefas shutitami shutichini— nirca. (“Cefas” nishpaca, “Pedro*f**” nisha ninmi).

GÁLATAS 3:17

Shina cacpica cashnami nini: Taita Diosca Abrahamman cusha nishcataca “pactachishatacmi” nishcami. Chaimantami chuscu pasac quimsa chunga huata q'uipa Moisesman mandashcacunata cushpapish, Taita Diosca pai ari nishcataca mana chingachishpa, pai cusha nishcatapish mana yangallapi churashca.

GÁLATAS 2:9

Chaimantami criccuna alli nishca Pedropish, Jacobopish, Juanpish Taita Dios ñucata c'uyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina alli huillaita huillac cashcata ricuchingapacmi maquita curcacuna. Shina maquita cushpami, ñucanchicca mana israelcunaman, paicunaca israelcunaman huillagrinaca allimi nircacuna.

2 CORINTIOS 9:6

Ashallata tarpucca ashallatami tandanga. Shinallatac achcata tarpucca achcatami tandanga. Chaitaca alli yuyarichic.

1 CORINTIOS 16:12

Shina cacpipish huauqui Apolostaca criccunahuan rishpa, cancunata ricugrichunmi yallita mañarcani. Shina mañacpipish, mana risha nircachu. Shina cashpapish pai rina tucucpica ringallami.

1 CORINTIOS 15:50

C'uyashca criccuna, caitami nisha nini: Aichayuc, tulluyuc caccunaca Dios maipi mandacucmanca mana yaicungacunachu. Imapish ismucllaca mana ismuclla llactamanca mana yaicungachu.

1 CORINTIOS 15:5

Chashna causarishpaca, Cefasmanracmi*f** ricurirca. Chai q'uipaca chunga ishcai yachacuccunamanmi ricurirca.

1 CORINTIOS 9:5

Shinallatac ñucanchicpish caishuccuna shina, Apunchic Jesuspac huauquicuna shina, Cefas*f** shina, ¿manachu shuc cric huarmita cazarashpa, apai pudinchic?

1 CORINTIOS 7:29

C'uyashca criccuna, ñucaca caitami nisha nini: Cai pachapica mana unai huatacunatachu causashun. Chashna cashcamanta huarmiyuc c'aricunaca, mana huarmiyuc cashca shina causachun.

1 CORINTIOS 4:6

C'uyashca criccuna, Apolostapish shinallatac ñucallatatacpish ima shina cashcata ricuichic. Caicunataca cancunapac allipacllatacmi rimani. Caitaca ñucanchic shina pipish quillcashcapi nishca shinamanta ama yallita ruhuachun, shinallatac “paimi alli, caishucca mana allichu” nishpa ama rimachunmi quillcani.

HECHOS 18:24

Israelcunapuramanta*f** Apolos runami, Alejandría pueblomanta Efeso puebloman shamurca. Paica Dios quillcachishcata alli yachac cashpami, allita huillac carca.

SAN MATEO 23:8

Ashtahuanpish cancunaca, shuclla Yachachictami charinguichic. Shinallatac huauquindiccunapura shinami canguichic. Chaimanta gentecuna ‘yachachic’ nishpa c'ayachunca, mana munanachu canguichic.

HECHOS 19:1

Corinto pueblopi Apolos cacpiracmi, Pabloca urcu urcuta rishpa, Efeso puebloman chayashpaca, tauca criccunahuan tuparca.

1 CORINTIOS 1:11

C'uyashca criccuna, cancunapura ch'icanyarinacui tiyanmi nishpa, Cloé aillupuramanta huillacpimi, cai shinaca nini.

2 CORINTIOS 10:7

Cancunaca ima shina cashcata mana ricushpami, jahualla ima shina cashcallatatac ricunguichic. Maijan cancuna “Cristopacmi cani” nishpaca, ñucanchictapish Cristopac cashcatami yuyana canguichic.