Tito 3:9 - Tayta Diospa Wilakuynin

⁹ Wakin runakunaqa unay ayllunkuna pï kayashqanpita y Israel runakunapa costumbrinkunalapitami apänakuyan. Saykunapita piwanpis ama apänakuysu. Apänakushqayki manakaqlapaqmi kanqa.

Tito 3:9 Referans Kwoze

2 Timoteo 2:14

Kay nishqäkunata wawqi panikunata imaypis yarpäsiy. Tayta Diospa jutincho tantiyasiy manakaq yachasikuykunata mana chaskipäyänanpaq. Saykunata chaskiparqa manami Tayta Dios munashqannösu kawayan. Saynöpis wawqi panikunata pasaypami jaqayäsiyan.

2 Timoteo 2:23

Lutan yachasikuykunapita wakin runakuna rimanakuyaptinpis sayman ama jatikaysu. Sayno rimanakurqa jaqayäsinakuyanmi.

1 Timoteo 4:7

Runakuna lutanta yachasishqankunata ama chaskipaysu. Puklaqkuna fïsicata rurayashqanno qampis Tayta Dios munashqanno kawanaykipaq yachakuy.

2 Timoteo 2:16

Lutan yachasikuqkunawan ama rimanakuysu. Paykunawan rimanakuptikiqa wawqi panikunapa shonqun waranlan waranlanmi chukruyanqa.

Tito 1:14

Saynöpis tantiyasinki Israel runakuna lutan yachasiyashqanta mana chaskipäyänanpaq. Lutanta yachasikuqkunaqa Tayta Diospa palabranta mana cäsukurmi kikinkunapa yarpaylanpita yachaykäsiyan.

Job 15:3

¿Yachaq runaqa shimin tarishqanta parlanmansuraq? Sayno parlarqa lutantami nikanki.

1 Corintios 8:1

Ïdulukunapaq pishtayashqan aysakunapita tapukayämashqaykita kanan tantiyasiyäshayki. Musyämi <> niyashqaykita. Sayno niyaptikipis wakin yachaqkunaqa orgullösumi rikakuyan. Kuyapäkuq kaqkunami isanqa runa mayinta ali yanapäyan.

1 Corintios 13:2

Profëta karpis, Tayta Dios yarpashqanta musyarpis y pïmay runapita mas yacharpis kuyakuynï mana kaptinqa manami imapaqpis välïsu. Tayta Diosman yärakur jirka witikunanpaq niptï witikuptinpis kuyakuynï mana kaptinqa manami imapaqpis välïsu.

Santiago 4:1

¿Imanirtaq pelyalar y qayapänakular kawaykäyanki? Shonquykikunacho mana ali yarpay kaptinmi sayno kaykäyanki.