Tito 2:14 - Tayta Diospa Wilakuynin

¹⁴ Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

Tito 2:14 Referans Kwoze

Hebreos 9:14

Jesucristo yawarninta cruzcho jichash kaptin manami janalansipasu purificash kaykansi, sinöqa manakaqkunata rurashqansipita shonqunsipis purificashnami kaykan. Sayno purificash karmi imayyaqpis kawaq Tayta Diosta sirvinsi. Jesucristuqa Espíritu Santupa munayninwan Tayta Dios munashqan sacrificiuno kar noqansi rayku wanuptinmi sayno purificash kaykansi.

Efesios 2:10

Jesucristucho kashqami alikunata rurar kawanansipaq mushuq kawayta Tayta Dios qomashkansi. Sayno kawanansipaqqa unaypita pasami destinamarqansi.

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.

1 Pedro 1:18

Unay aylluykikuna kawayashqannömi qamkunapis jusalikur kawayarqayki. Sayno kaykäyaptiki manami qellaywansu ni qoriwansu Tayta Dios rantiyäshushkanki,

Tito 3:8

Kay nishqäkuna lapanpis rasun kaqla kaptin wawqi panikunata mana qelanaypa yachasinki. Sayno yachasiptikimi tantiyakuyanqa Tayta Dios munashqanno imaypis alikunata rurayänanpaq. Kay yachasishqäkuna lapan runakunapaq alimi kaykan.

Apocalípsis 5:9

Paykunami mushuq alabanzata cantar Carnishta alabayarqan kayno nir: <

Gálatas 3:13

Isanqa say leykunata cumpliyta mana kamäpakurmi maldicionädu karqansi. Saymi noqansipa trukansi maldicionädu runano wanur Jesucristo salvamashkansi. Tayta Diospa palabranchöpis kaynömi qelqaraykan: <>.

Ezequiel 36:25

Chuya yakuwanmi maylapayäshayki. Qanraykikunata chipyaqmi awipäyäshayki. Ïdulukunata adorar impüru rikakuyashqaykitapis maylapäyäshaykimi.

Gálatas 2:20

Noqaqa Jesucristuwan cruzcho wanushnömi kaykä. Manami noqanasu kawä, saypa trukanqa Jesucristumi noqacho kawan. Saymi Tayta Diospa Surinman yärakur kawaykä. Paymi kuyamashpansi noqansi rayku wanurqan.

1 Pedro 1:22

Wilakuyninta cäsukuyaptikimi Tayta Dios purificayäshushkanki kuyanakur kawayänaykipaq. Sayno kaykaptinqa lapan shonquykikunawan jukniki juknikipis kuyanakur kawayay.

Hechos 9:36

Jope markachömi juk discïpulu tarqan Tabita jutiyuq warmi. Tabita ninanqa griego idiömacho Dorcas ninanmi. Say warmimi imaypis alilata ruraq y muchuqkunatapis yanapaq.

Apocalípsis 1:5

Jesucristupis ali kawayänaykipaq qamkunata yanapaykuyäläshunki. Paymi Tayta Dios munashqannöla wilakuyninta wilakush y wanushkunapita puntata kawarimush. Kay pasacho lapan reykunapitapis mas munayyuqmi kaykan. Paymi kuyamashpansi yawarninta jichar lapan jusansita maylamashkansi.

Mateo 20:28

Runapa Surinpis manami sirvish kananpaqsu shamush, sinöqa sirvinanpaq y runakuna rayku wanur askaqta salvananpaqmi>>.

1 Juan 3:2

Kuyay wawqi panikuna, Tayta Diospa wamran kashqansita kanan musyarpis manami musyansiraqsu imano kanansipaq kashqantapis. Sayno kaptinpis musyansimi Jesucristo kutimuptin paywan tinkur kikin niraqman tikranansipaq kashqanta.

1 Pedro 3:18

Jesucristupis jusaynaq kaykarmi jusasapakuna rayku nakarqan. Tayta Diosman pushamänansipaqmi jusalikushqansipita juk kutila wanurqan. Wanuptinpis Espíritu Santumi kawarisimurqan.

Salmo 130:8

Tayta Diosmi lapan jusalikuypita perdonamäshun.

1 Pedro 2:12

Jesucristuta mana chaskikuqkunawan ali kawayay. Ali kawayashqaykita rikarmi manakaqkunata kanan jitapäyäshushpaykipis Jesucristo kutimunan junaq Tayta Diosta alabayanqa.

Deuteronomio 14:2

Qamkunaqa Tayta Dios kuyashqan santu runakunami kaykäyanki. Paymi lapan nación runakunapitapis akrayäshushkanki paylapana kayänaykipaq.

Gálatas 1:4

Papäninsi Tayta Dios munashqannömi kay pasacho jusalikuypita salvamänansipaq Jesucristo wanurqan.

Deuteronomio 26:18

Tayta Dios promitiyäshushqaykinölami kuyashqan runakuna kayashqaykita kanan junaq niyäshushkanki. Sayno kaykaptinqa lapan mandamientunkunata cumpliyay.

Deuteronomio 7:6

Tayta Dios akrashqan santu runakunami qamkuna kaykäyanki. Maysay nación runakunapitami kuyashqan runakuna kayänaykipaq akrashushkanki>>.

Éxodo 15:16

Paykuna pasaypa mansariyäsun. Imatapis rurayta mana kamäpakur chiyakash rikakäkuyäsun. Sayno kaykuyäläsun salvashqayki runakuna päsayashqanyaq.

Hebreos 10:24

Kuyanakunansipaq y alikunata ruranansipaq jukninsi jukninsi shakyäsinakushun.

Tito 2:7

Rikakuyäshunaykipaq kikikipis ali kaway. Pitapis yachasirqa Tayta Diospa wilakuynin nishlanta formal yachasinki.

1 Timoteo 6:18

Saynöpis rïcukunata yachasiy alikunata imaypis rurayänanpaq y wakin runakunata riquëzankunawan yanapäyänanpaq.

Efesios 5:2

Jesucristo kuyakuq kashqanno qamkunapis kuyakuq kayay. Kuyakuq karmi noqansi rayku wanur Tayta Diospaq mushkuq sacrificiuno kash.

Ezequiel 37:23

Melanashqä ïdulukunatapis manami adorayanqanasu ni jusalikuyanqanasu. Conträ sharkush kayaptinpis perdonashpämi salvashaq. Paykunami kuyashqä runakuna kayanqa. Noqanami paykunapa Diosnin kashaq.

Salmo 135:4

Jacobpita miraq runakunatami paypa kananpaq Tayta Dios akrarqan. Israel runakunatami akrarqan herencian kananpaq.

Génesis 48:16

Imayka mana alipitapis sapämaq Angilmi kaykanki. Kanan kay maqtakunata bendicionnikita qoykulay. Paykuna ali kawaykuyäläsun noqata, awilü Abrahamta y papänï Isaacta runakuna imaypis yarpäyämänanpaq. Efraínpa y Manaséspa surinkunapis aska kaykuyäläsun. Paykunapita miraqkunapis kay pasacho saysika kaykuyäläsun>>.

Santiago 4:8

Tayta Dioswan imaypis kawayay. Sayno kawayaptikiqa paypis qamkunawanmi kaykanqa. ¡Jusasapakuna! Makikikunata awikuyashqaykino jusalikuykunata kachariyay. Janan shonqula cäsukuyänaykipa trukanqa lapan shonquykikunawan Tayta Diosta cäsukuyay.

1 Timoteo 2:10

Saypa trukanqa Tayta Dios munashqanno kawaq warmikunano alikunata rurar kawayäsun.

1 Timoteo 2:6

Paymi wanush lapan runakunata salvananpaq. Sayno salvakuq kashqantaqa tiempun chämuptinmi Tayta Dios musyasimashkansi.

1 Timoteo 1:15

Jusasapa runakunata salvananpaqmi kay pasaman Jesucristo shamush. Rasun kaqta nikaptïqa pïmaypis criyiyäsun. Noqalätapis lapan runakunapita mas jusayuq kaykaptïmi

Hechos 15:14

Simón wilamashkansi mana Israel runakunata wilapaptin Tayta Dios salvashqanta.

Hechos 15:9

Saynöpami musyansi Jesucristuman yärakuq kaqtaqa Israel runa kaptinpis mana Israel runa kaptinpis shonqunkunata purificar Tayta Dios salvashqanta.

Juan 6:51

Noqami jana pasapita shamuq kawaykaq tanta kaykä. Pipis kay tantata mikurqa mana ushakaq kawaytami tarinqa. Kay tantaqa kikïpa aysämi. Runakuna mana ushakaq kawayta tariyänanpaqmi aysäta sacrificiutano Tayta Diosman entregashaq>>.

Mateo 3:12

Trïguta wayrananpaq jurquëtan aptashnami kaykan. Wayraskirnami trïguta wayinman churanqa. Punshantanami imaypis mana upiq ninaman qaykunqa>>.

Mateo 1:21

Olqu wamratami qeshyakunqa. Payman yärakuqkunata jusankunapita salvananpaq kaptinmi say wamrapa jutinta churapanki Jesús jutin kananpaq>>.

Malaquías 3:3

Payqa qorita y qellayta ninawan sulusir qanranta jorquqnömi levitakunata purificanqa. Noqa munashqänöna sacrificiukunata altarcho rupasiyaptinqa

Números 25:13

Pactuta rurarmi kikinta y paypita miraqkunata imayyaqpis cüra kayänanpaq churä. Noqata respitamar say jusayuq runata wanusishqanpitami Israel runakunapa jusankunata perdonashkä>>.

Deuteronomio 4:20

Egiptucho pasaypa nakayashqaykipitami Tayta Dios jorqayämushurqayki paypa herencian kayänaykipaq. Saynölami kanan herencian kaykäyanki.

Hechos 20:28

Sayno kaykaptinqa cuidä jusalikuyankiman. Mayor wawqikuna kayänaykipaq Espíritu Santu churaykäyäshuptikiqa misikuq runa uyshankunata ali rikashqanno Tayta Diospa iglesianta shumaq rikayanki. Paymi iglesianta rantinanpaq kikinpa yawarninta jicharqan.

Efesios 1:11

Kikin yarpashqanno lapantapis ruraq karmi noqansitapis Jesucristucho kaptinsi Tayta Dios destinamashkansi herenciansita chaskinansipaq.

Hebreos 1:3

Jesucristumi musyasimansi Tayta Dios imano kashqantapis. Payta reqirqa kikin Tayta Diostapis reqinsimi. Munayyuq palabranwanmi lapan kamashqankunatapis mandan munashqanno kayänanpaq. Jusansipita purificash kanansipaq wanurkurmi gloriaman kutirqan. Kananqa Tayta Diospa trönun aluq kaq nawpanchömi jamaraykan.

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.

1 Juan 1:9

Jusalikushqansipita perdonta manakushqami isanqa promitimashqansita cumplir Tayta Dios perdonamäshun. Payqa alilata ruraq karmi lapan jusansita maylamäshun.

Levítico 25:41

Saypitaqa librinami surinkunawan juntu chakranman y ayllunkunaman kutikunqa.

Números 7:15

Saynöpis rupasina sacrificiupaq juk turïtuta, juk carnita y juk watayuq carnishtami aparqan.