Tito 1:9 - Tayta Diospa Wilakuynin

⁹ Jesucristupa wilakuyninta yachakuyashqannöla ali yachasiq kayäsun. Saynöpami Tayta Dios munashqanno kawayänanpaq wawqi panikunata shakyäsiyanqa y lutan yachasikuqkunatapis lutanta mana yachasiyänanpaq shumaq tantiyasiyanqa.

Tito 1:9 Referans Kwoze

2 Tesalonicenses 2:15

Wawqi panikuna, sayno kananpaq kaykaptinqa Tayta Diosman shumaq yärakur ama qonqäyaysu cartapapis y shimilapapis yäsiyashqäkunata.

2 Timoteo 1:13

Timoteo, Jesucristupa wilakuyninta yachasishqänöla qampis yachasiy. Jesucristo kuyashushqaykinöla payman yärakur pïmaywanpis kuyanakur kaway.

1 Timoteo 6:3

Pipis Señorninsi Jesucristupa ali wilakuyninta yachasinanpa trukan y Tayta Dios munashqanno kawanansipaq yachasinanpa trukan lutanta yachasirqa

1 Timoteo 1:10

Saynöpis kaykan majanta qanrataqkunapaq, olqupura kakuqkunapaq, warmipura kakuqkunapaq, runa mayinta rantikuqkunapaq, lulakuqkunapaq, manakaqta jitapar runa mayinpa contran sharkuqkunapaq y ali yachasikuyta mana cäsukur ima jusatapis jusalikuqkunapaqmi.

Apocalípsis 3:3

Yachakuyashqaykita y wiyayashqaykita mana qonqaypa wiyakuyay. Jusalikuyta wanakur munashqänöna kawayay. Sayno mana kawayaptikiqa elaqpita suwa shamushqannömi qamkunata castiganäpaq shamushaq.

1 Timoteo 1:15

Jusasapa runakunata salvananpaqmi kay pasaman Jesucristo shamush. Rasun kaqta nikaptïqa pïmaypis criyiyäsun. Noqalätapis lapan runakunapita mas jusayuq kaykaptïmi

Tito 2:1

Qamqa Jesucristupa wilakuynin nishqannöla wawqi panikunata yachasiy.

Tito 1:11

Wakin wawqi panikunata maynami lapan castantinta sayno engañayash. Paykuna lutanta yachaykäsiyan imatapis sakyayänan raykulami. Sayno lutanta yachasiyänanta ama kachapaysu.

2 Timoteo 4:3

Shamuq watakunacho Jesucristupa wilakuyninta manami wiyayta munayanqanasu. Saypa trukanqa lutan yachasikuqkunata ashirmi paykuna yachasiyashlanta chaskikuyta munayanqa.

1 Tesalonicenses 5:21

Isanqa shumaq tantiyakuyanki Espíritu Santupita kashqanta o mana kashqantapis. Paypita kaptinqa chaskikuyanki.

Proverbios 23:23

Rasunpaypa tantiyakuq kanaykipaq imanöpapis yachakuy. Tantiyakuq kashqaykitaqa imaypis ama kachariysu.

Job 2:3

Saymi Tayta Dios nirqan: <>.

Apocalípsis 3:11

<

Apocalípsis 2:25

Noqa yachasishqäkunata shamushqäyaq mana qonqaypa wiyakuyay.

Judas 1:3

Kuyay wawqi panikuna, noqa yarparqä Jesucristo salvamashqansipita cartakamuytami. Sayno yarparpis kanan qelqaykämü lutan yachasikuqkunata ichipäyänaykipaqmi. Tayta Diospa wilakuyninqa manami imaypis trukakansu ni yapakansu. Say wilakuynintami Tayta Dios mayna tantiyasimashkansi.

2 Timoteo 2:25

Contrayki sharkuqkunata ali shimilaykipa tantiyasiy. Sayno tantiyasiptiki capazchir Tayta Dios tantiyasinqa jusalikushqanta wanakur pay munashqannöna kawayänanpaq.

2 Timoteo 2:2

Runakunapa nawpancho yachasishqäta yärakuypaq kaq wawqikunata yachasiy paykunapis wakinta yachasiyänanpaq.

1 Timoteo 4:9

Kay nishqäqa rasun kaqmi kaykan. Saytaqa lapan runakuna chaskikuyäsun.

1 Timoteo 1:19

Sayno wilakushpayki Jesucristuman yärakur Tayta Dios munashqanno imaypis kaway. Wakin runakunaqa Tayta Dios munashqanno manana kawarmi Jesucristuman yärakuyannasu.

Hechos 18:28

Paymi Israel runakunata Tayta Diospa palabranta shumaq yachasir Jesús salvamaqninsi Cristo kashqanta tantiyasirqan.

Job 27:6

Mana jusalikush karmi imapitapis penqaküsu. Saymi jusaynaq kashqäta imaypis parlaykäshaq.

1 Corintios 14:24

Tantiyayashqan idiömacho Diospa wilakuyninta wilakuyaptikimi isanqa yarpachakur jusayuq kashqanta tantiyakunqa.

2 Timoteo 3:14

Qam isanqa Tayta Diospa wilakuynin ali kashqanta tantiyakur yachakushqaykinöla shumaq kaway. Yachasishuqnikikuna pï kayashqantapis musyankimi.