Tito 1:12 - Tayta Diospa Wilakuynin

¹² Juk Creta runami kayno qelqarqan: <>.

Tito 1:12 Referans Kwoze

1 Timoteo 4:2

Ishkay cära karmi lutankunata yachasirpis penqakuyanqasu.

Romanos 16:18

Paykuna manami Jesucristo alabash kananta munarsu yachasiyan, sinöqa kikinkuna alabash kayta munalarmi. Paykunaqa ali shimilanpami mana tantiyakuq wawqi panikunata lutanta criyiykäsiyan.

Hechos 17:28

Tayta Dios yanapämashqaraqmi kawansipis y purinsipis. Marka mayikipis shumaq yarpachakurir kayno nirmi qelqarqan: .

2 Pedro 2:15

Tayta Dios munashqanno nawpata kawarkurpis kananqa pantakashnami puriykäyan. Beorpa surin Balaam qellay raykula lutanta rurashqannömi paykunapis lutankunata ruraykäyan.

2 Pedro 2:12

Say runakunaqa mana tantiyarmi sayno ashliyan. Uywakunano yarpayniynaq kayashpanmi wanusish kayänalanpaq yuriyash. Mana alita ruraykäyashlanchömi ushakäyanqapis.

Hechos 2:11

Wakinninsiqa yurishqansipita pasami Israel runakuna kaykansi. Y wakinninsinami Israel runana kanansipaq Tayta Diosta chaskikushkansi. Cretapitapis, Arabiapitapis kaychömi kaykansi. Maysaypita karpis kikinsipa idiömansichömi wiyaykansi Tayta Dios kushikuypaq rurashqankunata>>.

Hechos 27:7

Saypita yarqur aska junaqtaraqmi nakar Gnido markapa nawpalanpa päsayarqä. Saypa aywaykäyaptï fiyupa wayrämuptinmi Creta islapa tumar Salmón niyashqan nawpanpa päsayarqä.

Hechos 27:12

Tamya wisan Buenos Puertuscho qoyäyänäpaq mana ali kaptinmi lapäkunapis yarpäyarqä Cretacho kaykaq Fenice markaman aywayta. Fenicichömi isanqa tamya wisanpis büqui ichinanpaq ali karqan.

Hechos 27:13

Aywayänäpaq wayra ali kaptinnami büquicho aruqkuna yarpäyarqan Feniciman chäyänäpaqna kashqanta. Saymi büquipa anclankunata shuntarkur Creta isla kuchulanpa aywayarqä.

Filipenses 3:19

Say runakunaqa Jesucristo munashqanno kawayänanpa trukan shonqun yarpashqannölami kawakuyan. Lutankunata rurayashqanpita penqakuyänanpa trukanqa sumäsiyanraqmi. Kay pasacho kawayänalanpaqmi yarpachakuyan. Paykunaqa infiernuman qaykushqami kayanqa.

Tito 1:5

Creta islapita shakamur qamta nirqä arreglaypaq kaqkunata arreglanaykipaq y markan markan aywar wawqi panikuna shuntakäyashqancho mayor wawqikunata churanaykipaqmi.