Tito 1:11 - Tayta Diospa Wilakuynin

¹¹ Wakin wawqi panikunata maynami lapan castantinta sayno engañayash. Paykuna lutanta yachaykäsiyan imatapis sakyayänan raykulami. Sayno lutanta yachasiyänanta ama kachapaysu.

Tito 1:11 Referans Kwoze

2 Timoteo 3:6

Say runakunaqa imaykaläya jusakunata jusalikuq warmikunapa wayinkunamanpis engañayänanpaqmi yaykuyan.

1 Timoteo 6:5

Lutan yachasikuqkunaqa kikinpurapis manakaqkunalapitami rimanakuyan. Lutan yarpaykunaman uman churakash karmi Jesucristupa wilakuynin ima kashqantapis tantiyayansu. Saynöpis yarpäyan Diosta sirvir rïcuyäyänanpaq kashqantami. [Paykunawanqa ama shuntakäyaysu.]

Romanos 3:19

Tayta Diospa palabrancho sayno niptinmi musyansi leyninkunata musyaq runakunapis jusayuq kayashqanta. Saymi runakunata Tayta Dios juzgaptin pipis sapakuyta kamäpakunqasu.

Tito 3:10

Say apänakasiqkunataqa ishkay kutiyaqla tantiyasinki. Sayno tantiyasiptikipis mana cäsuyäshuptikiqa qarqurinki.

Salmo 63:11

11 (12) Reymi isanqa Tayta Dios yanapashqanpita kushikunqa. Tayta Diospa jutinta joqariqkunaqa kushishqami alabayanqa. Lulakuqkunami isanqa ima niytapis kamäpakuyanqasu.

Tito 1:9

Jesucristupa wilakuyninta yachakuyashqannöla ali yachasiq kayäsun. Saynöpami Tayta Dios munashqanno kawayänanpaq wawqi panikunata shakyäsiyanqa y lutan yachasikuqkunatapis lutanta mana yachasiyänanpaq shumaq tantiyasiyanqa.

Tito 1:7

Tayta Diosta sirviq kaykarqa y wawqi panikunata rikaq kaykarqa mayor wawqikuna kayäsun pïmaypitapis mana jamurash, mana runa tukuq, mana ajayshïtu, mana upyaq, mana pelyaq y imatapis mana chaskipakuq.

Miqueas 3:5

Lula profëtakunami Tayta Dios kuyashqan runakunata lulapaykäyan. Paykunaqa imatapis aptapaq kaqpaqqa bendición kananpaq kashqantami niyan. Mana aptapaq kaqpaqmi isanqa maldición kananpaq kashqanta niyan. Say lula profëtakunatami Tayta Dios nin:

Salmo 107:42

Bendicionninta churashqanta rikarmi ali runakuna kushikuyan. Yaqa runakunami isanqa ima niytapis kamäpakuyansu.

2 Corintios 11:10

Tayta Dios musyanmi rasun kaqlata nikashqäta. Jesucristupa ali wilakuyninta mana manakuylapa wilakunäpaq manami intëru Acaya provinciacho pipis michämanmansu.

Lucas 20:40

Saypitaqa manami imatapis tapupayta almitiyarqannasu.

Miqueas 3:11

Autoridäkunapis ashäkuyta apapaqnin kaqlapaqmi favornin sharkuyan. Cürakunapis qellaypaq kashlami yachasiyan. Profëtakunapis qellaypaq kashlami wilakuyan. Sayno kaykarmi niyan: <>.

Ezequiel 16:63

Lapan jusalikushqaykita perdonaptïmi imayka mana alikunata rurashqaykita yarparkur fiyupa penqakushpayki upälakunkipaq>. Tayta Diosmi sayno nin>>.

Ezequiel 13:19

<<

Jeremías 8:10

Paykunaqa lapanpis yarpaykäyan suwakuypa imatapis tariyänalanpaqmi. Saymi paykunata castigar warminkunatapis y chakrankunatapis jäpa runakunata qoykushaq. <<

Juan 10:12

Pägu raykula misipakuq runami isanqa löbu shamuqta rikar uyshakunata kacharir qeshpir aywakun. Sayno aywakun ämun mana kashpanmi. Saymi löbu yaykur sariptin wakin uyshakuna maysaypapis qeshpir aywakuyan.

Mateo 23:13

<<¡Wawalaw, ishkay cära fariseukuna y ley yachasiqkuna! Wayi punkuta wichqapaqnömi Tayta Dios mandaykashqanman pipis mana yaykuyänanpaq sapata churapaykäyanki. Sayno karmi kikikikunapis yaykuyankisu.

1 Timoteo 5:4

Isanqa mayqan viüdapapis wawankuna o wilkankuna karqa paykuna yanapäyäsun. Kuyar ashmashqanta ama qonqäyäsunsu. Sayno yanapaptinmi Tayta Dios kushikun.

1 Timoteo 5:13

Qelan waqaptinmi rurayninkunata kachaykur wayin wayin purikuyan. Saynöpis tulu shimi y rayan wishla kayashpanmi manakaqkunata parlar purikuyan.

2 Timoteo 2:18

Paykuna nikäyan mayna kawarimushnöna kaykar wanurqa manana kawarimunansipaq kashqantami. Sayno yachasir pantakäsiyaptinmi wakin wawqi panikuna Jesucristuman yärakuyannasu.