Salmo 1:2 - Tayta Diospa Wilakuynin

² Saypa trukanqa Tayta Diospa leyninkunata kushishqami cäsukun. Paqasta junaqtapis say leykunalapaqmi yarparaykan.

Salmo 1:2 Referans Kwoze

Josué 1:8

Say qelqaraykaq leykunata imaypis ama qonqankisu. Saypa trukanqa paqasta junaqta yarpachakunki lapanta cumplinaykipaq. Sayno cumpliptikimi lapan rurashqaykikunapis ali kanqa.

Salmo 119:92

Leynikikunata cäsukur kushikümi. Mana cäsukurqa lakikuylawanchir wanüman.

Salmo 119:11

Jusalikur contrayki mana kanäpaqmi palabraykita shonqücho imaypis yarparaykä.

Romanos 7:22

Shonqücho Tayta Diospa leyninkunata wiyakuyta munaptïpis

Jeremías 15:16

Lapanta mandaq Tayta Dios, noqaqa makikichömi kaykä. Parlapämaptikimi ali mikuyta mikuqno lapanta chaskikushkä. Nimashqaykikunata chaskikuptïmi shonqü seqaypa kushikun.

Salmo 119:35

Mandamientuykikunata cumplinäpaq yanapaykalämay. Cumplirmi kushish kawashaq.

Salmo 112:1

¡Aleluya! Kushishqami kawan Tayta Diosta mansapakuq runaqa. Say runaqa Diospa mandamientunkunata cumplirmi kushikun.

Salmo 104:34

Yarpachakushqäpis Tayta Diospa shonqunpaqno kaykuläsun. Paypa makincho karmi imaypis kushikü.

Salmo 40:8

8 (9) Munashqaykita ruranäpaq listumi kaykä, Tayta Dios. Leynikikunatapis lapantami shonqücho yarparaykä>>.

Salmo 119:1

Kushishqami kawaykäyan Tayta Dios munashqanno kawaq runakunaqa. Paykunaqa Tayta Diospa leyninkunata cumpliyanmi.

1 Juan 5:3

Tayta Diosta kuyarqa mandamientunkunata cumplinsimi. Mandamientunkunata cumpliyqa manami ajasu kaykan.

Job 23:12

Leyninkunata imaypis cumplishkämi. Nishqankunataqa waran waranmi shonqücho yarparaykä.

1 Timoteo 4:15

Kay yäsishqäkunata mana qonqaypa imaypis ruray. Ali kawashqaykita rikayäshushpaykimi tantiyayanqa Tayta Dios munashqanno kawaykashqaykita.

Salmo 119:72

Waranqanpa qellaypitapis y qoripitapis noqapaqqa leynikikunami mas ali kaykan.

Lucas 2:37

Saypita puwaq chunka chusku (84) watanami viüdala täkurqan. Templu patiupita mana yarquypami paqasta junaqtapis ayunashpan Tayta Diosta manakuq.

2 Timoteo 1:3

Unay ayllükuna sirviyashqan y noqapis sirvishqä Tayta Diosta manakurmi sakaypapis junaqpapis qampaq agradëcikü.

1 Tesalonicenses 2:9

Wawqi panikuna, ¿manaku yarpäyanki qamkuna kaqcho Tayta Diospa wilakuyninta wilakuyänäpaq kikïkuna aruyashqäta? Gastükunapaq yarpachakuyänaykita mana munarmi paqasta junaqtapis pasaypa utikäyashqäyaq aruyashkä.

Lucas 18:7

¿Manasuraq Tayta Diospis akrashqankunata yanapanqa paqasta junaqta manakuyaptin? Mana shuyaräsiylapami yanapanqa.

Salmo 88:1

1 (2) Salvamaq Tayta Diosnï, sakaypapis junaqpapis yanapaykamänaykipaqmi manakamü.

Génesis 24:63

Inti tardiyaykaptinnami Isaac rikachakuq yarqurqan. Rikachakuykashqanchömi camëllukuna shamuykaqta rikarqan.

Esdras 7:10

Esdrasqa lapan shonqunwanmi Tayta Diospa leyninkunata yachakur cumplirqan. Nirkurmi say leykunata y estatütunkunata Israel mayinkunata yachasirqan.