14 <
Tantiyakuq karqa ima peligrupitapis qeshpinsimi. Saymi marka sararaq chunkantin runakunapitapis tantiyakuq runa mas ali kaykan.
Tayta Dios ¿pitapis manakunsuraq tantiyasinanpaq? Tayta Diosta ¿pilapis tantiyasinmansuraq ali kashqanta mana ali kashqantapis? Yachaq kananpaq ¿pilaqa payta yachasinmansuraq?
6 (5) Tayta Dios sayno salvamäshun juk wamra yuriptinmi. Paymi yurinqa winarkur mandamaqninsi kananpaq. Paypa jutinmi kanqa Admiraypaq Tantiyasimaqninsi, Contrankunata Vinciq Dios, Imayyaqpis Kawaq Taytansi y Ali Kawayta Qomaqninsi.
Jesucristumi tantiyasimansi Tayta Diospa wilakuynin imano kashqanta y pay munashqanno kawanansipaq kashqantapis.
Kikinkuna yachaq kayashqanta yarparpis senqan maycho kashqantapis manami musyayansu.
Tantiyakuq kayqa kalpayuq kaypitapis mas alimi kaykan. Yachaq runaqa mas munayyuqmi kaykan.
Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.
Tayta Dios qayashqan kaqkunami isanqa Israel runa karpis mana Israel runa karpis tantiyakuyan Jesucristo Tayta Diospa podernin y yachaynin kashqanta.
Rasunpaypa kaq aksi lapan runakunatami asikyapan. Paymi kay pasaman shamurqan.
Lutanta mana rurayänaykipaq anyapashqätapis manami chaskikayämashkankisu. Tantiyasiptïpis manami cäsukayämashkankisu.
Tantiyakuq kayta imaypis ama qonqaysu, hïju. Shumaq yarpachakurir imatapis ruranki.
Kikilanpaq imatapis munaq runaqa wakinpaqqa manami yarpachakunsu. Pï yäsiptinpis manami chaskikunsu.
Anyapäshushqaykita wiyakuy. Corrigishuptiki chaskikuy. Chaskikurqa tantiyakuqmi kankipaq.
Lapanta mandaq Tayta Diosmi say yarpaytaqa qomashkansi. Paypa yachasikuyninqa espantaypaqmi kaykan. Pay yachashqanmanqa manami imapis tinkunsu.
Qam yarpashqaykikunaqa mana atipaypaqmi. Lapan rurashqaykikunapis seqaypa alimi. Rikaykankimi runakuna imata rurayashqantapis. Saymi rurayashqanman tupu yanapanki o castigankipis.
Tayta Diosqa mas yachaq y munayyuqmi kaykan. Paypitami yachaytapis tantiyakuytapis chaskinsi.
