Proverbios 5:3 - Tayta Diospa Wilakuynin

³ Mañösa warmiqa shakya shakyala parlapashpanmi pitapis inkitan.

Proverbios 5:3 Referans Kwoze

Proverbios 2:16

Tantiyakuq karqa runanta qanrataq warmipitapis witikunkipaqmi. Jeqchikachar parlapäshuptikipis manami cäsupankipaqsu.

Proverbios 7:21

Sayno mishkisipaypa parlapaykälarmi say maqtata valuraskasirqan.

Proverbios 7:5

Sayno paniki y amïgayki karmi runan qanrataq warmipita sapäshunki. Ali shimilanpa parlapäkuq mañösa warmipitami cuidashunki.

Proverbios 6:24

Yäsikuykunata cäsukurqa runanta qanrataq warmipita witikunkipaqmi. Say niraq warmi inkitashuptikipis manami cäsupankipaqsu.

Salmo 55:21

21 (22) Paykunaqa ali shimilanpa parlaparpis shonqunkunachöqa amïgunta nanaparaykäyanmi. Mishki mishkila parlapashqanpis imayka ali afilash cuchillunöraqmi kaykan.

Proverbios 5:20

Warmiyuq kaykarqa ¿imanirtaq juk warmiwan jatikankiman, hïju? ¿Imanirtaq mana warmiki kaykar makalaräshunkiman?

Proverbios 22:14

Runanta qanrataq warmipa waylukuyninqa pasapa shiminnömi mansariypaq kaykan. Say warmiwan punuq runaqa Tayta Diostami rabyanäsin.

Cantares 4:11

Shimikipis abëjapa mishkinnöraqmi mishkiykun. Musamaptiki abëjapa mishkinwan lichi mishkiqnöraqmi mishkiykun. Mödanaykipis Líbanucho kaykaq muntipa mushkuyninnöraqmi munapaypaq mushkuykun.

Eclesiastés 7:26

Saynöpis tantiyakurqä mañösa warmi wanuypitapis mas mansaypaq kashqanta. Say warmipa shonqunqa trampanömi y rikrankunapis waskanömi kaykan. Tayta Dios munashqanno kawaq runaqa say niraq warmipita witikunmi. Jusalikur kawaq runami isanqa say warmiwan kakun.