Proverbios 4:9 - Tayta Diospa Wilakuynin

⁹ Tantiyakuq karqa kuyaylapaq coronashnömi kankipaq>>.

Proverbios 4:9 Referans Kwoze

Proverbios 1:9

Paykuna tantiyasiyäshushqaykiqa kuyaylapaq corönano y kuyaylapaq walqanömi kaykan.

1 Pedro 5:4

Sayno kawarmi pastorkunapa pastornin Jesucristo kutimuptin imayyaqpis mana ushakaq corönata chaskiyankipaq.

Isaías 28:5

Say wisan kawaykar quëdaq runakunapa corönan lapanta mandaq Tayta Diosmi kanqa. Kuyashqan runakunapa kuyaylapaq adornun kanqa.

Proverbios 16:31

Lutankunata mana ruraypa kawarqa soquyashqanyaqmi runa kawan. Saymi soquyash runaqa respitaypaq kaykan.

Apocalípsis 3:21

Imano nakarpis mana ajayaypa yärakamuqkunataqa noqawan mandaq kayänanpaqmi churashaq. Satanásta vincishqäpitami noqatapis Taytä churamash paywan imayyaqpis mandaq kanäpaq.

1 Pedro 3:4

Saypa trukanqa ali shonqu kayashqayki y pïmaywanpis ali kawayashqaykimi kuyaylapaqqa kaykan. Sayno kawayashqaykimi Tayta Diospa shonqunpaqno kaykan.

Proverbios 3:22

Tantiyakuq kaynikiwanmi ali kawanki. Runakunapis respitayäshushpayki ali kashqaykitami parlayanqa.

Proverbios 4:10

Yäsishqäkunata chaskikuy, hïju. Chaskikurqa aska watami kawankipaq.

1 Reyes 3:13

Saynölami mana manakaykämaptikipis yanapäshayki rïcu kanaykipaq y munayyuq kanaykipaq. Saymi kawashqaykiyaqqa qampita mas munayyuq rey kanqasu.

Proverbios 14:18

Mana tantiyakuq runaqa imaypis lutan ruraylachömi kawan. Shumaq tantiyakuq runaqa mas yachaqmi rikakun.