Proverbios 2:8 - Tayta Diospa Wilakuynin

⁸ Payta cäsukuqkunataqa imaypis cuidanmi. Paylaman yärakuqkunataqa imaypis rikanmi.

Proverbios 2:8 Referans Kwoze

Salmo 23:3

Kalpä kananpaqmi yanapäman. Kuyakuq karmi ali nänipa pushaman.

1 Samuel 2:9

Pay munashqanno kawaq runakunataqa imapitapis sapanmi. Yaqa runakunataqa laquësalawan wanuyänanpaqmi kacharin. <

Salmo 145:20

Kuyar cäsukuqkunata imapitapis sapanmi. Yaqa runakunatami isanqa asulan.

Judas 1:24

Tayta Dios alabash kaykuläsun. Paymi jusalikuyman mana ishkiyänaykipaq munayninwan imaypis yanapaykäyäshunki. Paymi nawpanman jusaynaqtana pushakuyäshunki imayyaqpis kushish kawayänaykipaq.

Salmo 66:9

Paymi kananyaqpis kawayta qomansi. Contransikuna mana wanusimänansipaqmi sapaykämansi.

1 Pedro 1:5

Tayta Diosman yärakuyaptikimi munayninwan yanapaykäyäshunki Jesucristo kutimuptin kamarishqan salvacionta chaskiyänaykipaq.

Proverbios 8:20

Imatapis ali kaqkunalatami rurä. Manami imatapis mana ali kaqkunataqa ruräsu.

Salmo 37:28

Alita ruraptikiqa Tayta Dios kushikunmi. Pay munashqanno kawaqkunataqa imaypis manami kacharinsu. Yaqa runakunatami isanqa paypita miraqkunatapis ushakäsin.

Salmo 1:6

Cäsukuqkunataqa Tayta Diosmi yanapan ali kawayänanpaq. Jusalikuqkunatami isanqa jusalikuykaqlata ushakäsinqa.

Deuteronomio 33:3

Akrashqan runakunata Tayta Dios kuyanmi. Pay munashqanno kawaq santu runakunata makinchömi sararan. Diospa puntanmanmi paykuna qonqurpakuyan. Saychömi tantiyasishqanta chaskikuyan.

Isaías 35:9

Saypaqa leonkunapis manami puriyanqasu. Jatusaq chucaru uywakunapis manami yaykuyanqasu. Say nänipaqa salvash kaq runakunalami puriyanqa.

Salmo 37:31

Tayta Diospa leyninkunatami shonquncho yarparan. Saymi imaypis lutanta ruransu.

Salmo 97:10

Jusalikuyta mansapakuqkunataqa Tayta Dios kuyanmi. Payman yärakuqkunataqa imapitapis sapanmi. Fiyu runakunapa makinpitapis salvanmi.