Proverbios 1:31 - Tayta Diospa Wilakuynin

³¹ Lutan ruraq kayashqaykipitami nakayanki. Jusalikuyashqaykipitapis chunkataran pësakuyanki.

Proverbios 1:31 Referans Kwoze

Proverbios 14:14

Yaqa runaqa lutanta ruraskirpis kushikunmi. Ali runami isanqa alita rurashqanpita kushikun.

Jeremías 6:19

<<¡Mundu intëru, shumaq wiyayämay! Kay runakunata fiyupami castigashaq. Sayno castigashaq wilapashqäta mana wiyakuyashqanpita y leynïkunata mana cäsukuyashqanpitami.

Proverbios 22:8

Yaqa runaqa jusalikushqanpitami nakanqa. Say niraq runataqa Tayta Diosmi rabyashpan ushakäsinqa.

Job 4:8

Yaqa runami isanqa imaypis nakan. Saytaqa nawïpami rikashkä.

Jeremías 2:19

Qamkunaqa mana cäsukamaypa jusalikuyashqaykipitami castïguta chaskiyankipaq. Say hörami tantiyayankipaq noqata qonqaykamar mana mansapakayämashqaykipita desgracia päsayäshushqaykita. Lapanta mandaq Tayta Dios karmi sayno nï.

Proverbios 5:22

Jusalikuqkunaqa kikinpa jusanpitami nakayan. Jusalikuyashqanpitami läzuwan liyashno kayan.

Proverbios 5:23

Mana wiyakuq kayashqanpitami wanuyanqapis. Mana tantiyakuq kayashqanpitami ushakäyanqapis.

Proverbios 8:36

Noqapita witikuqkunataqa imapis päsanqami. Noqata mana cäsumaqkunaqa wanuymanmi chäyanqa>>.

Proverbios 12:14

Pï runapis parlashqanman tupumi ali rikash o mana ali rikashqapis kanqa. Saynölami rurashqanman tupu ali rikash o mana ali rikashqapis kanqa.

Proverbios 13:2

Shiminpitami ali rikash o mana ali rikashqapis kanqa. Traicionëru runaqa chikipashqami kanqa.

Isaías 66:4

Paykunataqa mansayashqan kaqkunawanmi castigashaq. Qayaykaptïpis manami contestayämashsu. Wilapaykaptïpis manami chaskikuyashsu. Saypa trukanqa rikaykaptïmi jusalikuyash. Mana munashqä kaqtami rurayashqapis>>.

Jeremías 14:16

Saynölami say profëtakuna lulapäyashqan runakunatapis guërrawan y muchuywan ushakäsishaq. Warminkunapis y surinkunapis wanurmi ushakäyanqa. Pampananpaq pipis mana kaptinmi Jerusalén cällikunacho ayankuna jitaräyanqa. Jusalikuyashqanpitami sayno castigashaq.

Salmo 81:13

13 (14) Kuyashqä runakuna, ¡ima aliraq kanman wiyakayämaptiki! Israel runakuna, ¡ima aliraq kanman cäsukayämaptiki!

Jeremías 21:14

Sayno niyaptikipis jusalikuyashqaykiman tupumi castigayäshayki. Muntikikunatapis rupasirmi ushashaq. Marka nawpankunatapis chipyaqmi rupasir ushashaq. Noqa Tayta Diosmi sayno nï>>.

Ezequiel 22:31

Saymi fiyupa rabyanashpä llëvasiyäshayki. Imatapis nina ushashqannömi qamkunatapis ushakäsiyäshayki. Lutankunata rurayashqaykiman tupumi castigayäshayki. Noqa Tayta Diosmi sayno nin> >>.