Proverbios 1:10 - Tayta Diospa Wilakuynin

¹⁰ Hïju, mana ali amïgukuna jusalikuyman inkitayäshuptiki ama cäsupaysu.

Proverbios 1:10 Referans Kwoze

Efesios 5:11

Tayta Diosta mana cäsukuq runakuna lutankunata rurayaptinpis qamkunaqa ama rurayaysu. Saypa trukanqa lutan ruraykunata kachariyänanpaq tantiyasiyanki.

Proverbios 16:29

Yaqa runaqa amïguntapis lulapanmi. Ali kawaptinpis lutan ruraymanmi jitarpun.

Salmo 1:1

Kushishqami kawan Tayta Dios munashqanno kawaq runaqa. Say runaqa lutan yäsikuykunata manami chaskipansu. Wakin runakuna jusalikuyaptinpis payqa manami jusalikunsu. Lutankunata parlayaptinpis payqa manami lutanta parlansu.

Proverbios 13:20

Tantiyakuq runawan purirqa tantiyakuqmi rikakun. Mana tantiyakuq runawan purirqa mana alikunatami yachakun.

Romanos 16:18

Paykuna manami Jesucristo alabash kananta munarsu yachasiyan, sinöqa kikinkuna alabash kayta munalarmi. Paykunaqa ali shimilanpami mana tantiyakuq wawqi panikunata lutanta criyiykäsiyan.

Deuteronomio 13:8

8 (9) Sayno inkitashuqnikikunata mana kuyapaypa, mana perdonaypa, favornin mana sharkuypa

Salmo 50:18

Suwakunawanpis say yarpaylami kaykanki. Majanta jarukuqkunawanpis apay marqaymi puriykanki.

Proverbios 20:19

Tulu shimiqa juklami pitapis wilapärin. Sayno kaqkunawanqa ama shuntakäyaysu.

Génesis 37:20

Kanan jukla wanurasir ayanta pipis mana tarinanpaq pözuman jitarpushun. Nirkur papäninsita wilashun ima fiyu uywakunapis mikukurkuyashqanta. Sayno ruraskish mä sueñushqannökush kamakänaq>>.

Proverbios 24:2

Paykunaqa runa mayinta atacayänalanpaqmi yarpachakuyan. Mana alita rurayänalanpaqmi wilanakuyan.

Isaías 33:15

Saypita salvakunqa alilata ruraq runa, rasun kaqlata parlaq runa, pipa imantapis mana qechuq runa, mana chaskipakuq runa, wanusipakunanpaq niyaptinpis mana awniq runa, y mana ali ruraykunapita witikuq runami.