Números 9:16 - Tayta Diospa Wilakuynin

¹⁶ Saynölami imaypis junaqpa pukutay saparaq y sakaypana ninano asikyaq.

Números 9:16 Referans Kwoze

Nehemías 9:12

Israel runakunata junaqpaqa ichiraykaq pukutaywanmi pushamurqayki. Sakaypanami rupaykaq ninawan asikyaparqayki. Saynöpami maypa aywayänanpaqpis tantiyasirqayki.

Apocalípsis 21:3

Say hörami wiyarqä Tayta Diospa trönunpita sinchipa nimuqta: <<¡Kananqa runakuna kaqchönami Tayta Dios tanqa! Paykunami kuyashqan runakuna kayanqa. Kikin Tayta Diosmi paykunawan kanqa.

2 Corintios 5:19

Say wilakuyqa kaynömi nikan: Jesucristuchömi Tayta Dios karqan runakunata jusalikuyashqanpita perdonar kikinwan amistananpaq. Say wilakuyta wilakuyänäpaqmi churayämash.

1 Corintios 10:1

Wawqi panikuna, musyayankimi unay yärakuq mayinsikunata ima päsashqantapis. Paykunaqa pukutay rurilantami aywayarqan y Puka Lamartapis päsayarqanmi.

Salmo 105:39

Israel runakunata lantupänanpaqmi pukutayta Tayta Dios kamariparqan. Sakaypa aksipänanpaqnami waruruyparaq rupaykaq ninata puestuparqan.

Salmo 78:14

Junaqpami pukutaywan pusharqan. Sakaypanami rupaykaq ninawan pusharqan.

Nehemías 9:19

kuyapäkuq kashpaykimi sunyaq jirkacho kachaykurqaykisu. Saymi munashqaykipa aywayänanpaq ichiraykaq pukutaywan junaqpa pushamurqayki. Sakaypapis ichiraykaq ninawanmi asikyaparqayki.

Deuteronomio 1:33

Paymi nawpansita aywashpan mayman chänansipaq y maycho campamentuta ruranansipaqpis tantiyasimarqansi. Sakaypa nina rupaykaqwan y junaqpana pukutaywanmi maypa shamunansipaqpis pushamarqansi.

Éxodo 40:38

Junaqpanami Sagrädu Toldu janancho pukutay qenqiraq. Sakaypanami Sagrädu Toldu janancho nina rataraq. Saytaqa lapan Israel runakunami rikayarqan. Pukutaypis ninapis sayno karqan Israel runakuna sunyaq jirkapa purir Canaánman chäyashqanyaqmi.

Éxodo 40:34

Tinkuna Sagrädu Tolduta Moisés ichirkasiptinmi pukutay sapakurkuptin kikin Tayta Dios sayman charqan.