13 <
Saymi levitakuna purificakur armakuyarqan y mödanankunatapis taqshakuyarqan. Saypitanami makinta joqarir Tayta Diospaq paykunata Aarón dedicarqan. Nirkurnami purificasina sacrificiuta rupasirqan purificash kayänanpaq.
Nirkurnami makinta Aarón joqarishpan nawpächo paykunata dedicanqa sirviyämänanpaq. Saynöpami levitakuna Israel runakuna apayämushqan ofrendano kayanqa.
Jesucristupa ali wilakuyninta mana Israel runakunata wilapänäpaq churamash kaptinmi. Saymi wilakuykä mana Israel runakunapis Espíritu Santu yanapaptin Tayta Diospa shonqunpaq sacrificiuno kayänanpaq.
Wawqi panikuna, qamkunatami ruwä Tayta Diospa makinman kawaynikita churaykuyänaykipaq. Pay kuyapaykäyäshuptikiqa kawaykaq santu sacrificiu kaykuyälay. Sayno karmi Tayta Dios munashqanno rasunpaypa sirviyanki.
Israel runakunapita Leví trïbu mayikikunata noqami akrashkä Tinkuna Tolducho ruraykunata ruräsiyäshunaykipaq.
<
Saynöpami Israel runakunapita levitakunata rakinki noqapa kayänanpaq.
