Números 8:11 - Tayta Diospa Wilakuynin

¹¹ Nirkurnami makinta Aarón joqarishpan nawpächo paykunata dedicanqa sirviyämänanpaq. Saynöpami levitakuna Israel runakuna apayämushqan ofrendano kayanqa.

Números 8:11 Referans Kwoze

Levítico 7:30

Uywata apamuq runami Tayta Diospa nawpancho uywapa qasqunta y qasquncho kaykaq wiranta joqarkur wakman kayman kuyusinqa.

Números 6:20

Saykunata nazareo runapita yapay shuntarkurnami Tayta Diospa nawpancho joqarkur wakman kayman kuyusinqa. Saypitanami sagrädu kar cürapaq kanqa. Saynöpis cürapaq kanqa Tayta Diospa nawpancho wakman kayman kuyusishqan qasqunwan aluq kaq chankanpis. Saypitaqa nazareo runa vïnuta upunmannami.

Levítico 8:29

Saypitanami carnipa qasqunta Tayta Diospa nawpancho ishkan makinwan joqarir wakman kayman Moisés kuyusirqan. Say qasquqa Tayta Dios nishqannölami Moiséspaq karqan.

Levítico 8:27

Nirkurmi lapan saykunata Aarónta y surinkunata aptaparqan Tayta Diospa nawpancho joqarkur wakman kayman kuyusiyänanpaq.

Éxodo 29:24

Lapan saykunata Aarónta y surinkunata aptapanki noqapa nawpäman joqarir wakman kayman kuyusiyänanpaq.

Levítico 7:34

Israel runakuna uywakunata jawka kawakuy sacrificiupaq apayämushqanpita kuyusishqan qasqunta y aluq kaq chankanta Aarónpaq y paypita miraq cürakunapaqmi rakishkä. Say nishqäkunaqa imayyaqpis leymi qamkunapaq kanqa.

Deuteronomio 10:8

Saychönami levitakunata Tayta Dios akrarqan Pactu Babulta apayänanpaq, paypa nawpancho sirviyänanpaq y paypa jutincho runakunata bendicionta qoyänanpaq. Saypita pasami kananyaqpis paykunaqa saykunata rurayan.