Números 3:3 - Tayta Diospa Wilakuynin

³ Paykunatami cüra kayänanpaq Moisés churarqan.

Números 3:3 Referans Kwoze

Éxodo 28:41

Saykunata rurarkasir wawqiki Aarónta y surinkunata jatipanki. Nirkur umanman sagrädu aceitita winapanki sirvimaq cürakuna kayänanpaq.

Levítico 8:30

Nirkurnami sagrädu aceitiwan y altar janancho kaykaq yawarwan Aarónta y surinkunata Moisés saqsuparqan. Saynölami cüra kar jatiränan mödanankunatapis saqsuparqan. Aarónta, surinkunata y mödanankunata sayno saqsuparqan sagrädu kayänanpaqmi.

Levítico 8:12

Nirkurnami mandaq cüra kananpaq Aarónpa umanman sagrädu aceitita winaparqan.

Hebreos 7:28

Nawpataqa Moisés qelqashqan leykunacho nishqanno ushakaq y jusayuq runakunalami mandaq cürakuna kayarqan. Saypitanami Tayta Dios jurashpan kikinpa Surinta mandaq cüra kananpaq churarqan. Pay manami ushakaq ni jusayuq runasu kaykan, sinöqa imayyaqpis kawaq y jusaynaq mandaq cürami.

Éxodo 40:15

Nirkur papäninpa umanman winapashqaykinöla surinkunatapis sagrädu aceitita winapanki. Saynöpanami paykuna y paykunapita miraqkunapis sirvimaq cürakuna imayyaqpis kayanqa>>.

Éxodo 40:13

Nirkurna sagrädu mödanata Aarónta jatiparkur sagrädu aceitita umanman winapanki. Saynöpami noqata sirvimaq cürana kanqa.

Números 3:4

Sinaí sunyaq jirkacho yarpaylankunapita inciensuwan qoshnisiyashqanpitami Nadabwan Abiú suriynaqla Tayta Diospa nawpancho wanuyarqan. Eleazarwan Itamarnami taytan Aarón yäsishqannöla cüra kayarqan.

1 Crónicas 23:6

Trukanakuypa templucho aruyänanpaqmi levita runakunata David rakirqan kimsa puntaman. Cada puntatami jutisirqan Levípa surinkunapa jutinkunata. Saymi juk puntapa jutin karqan Gersón, juk puntapa jutin karqan Coat y juk puntapa jutinnami karqan Merari.