Say junaqmi churayarqan almacén cuartu täpaqkunata. Ofrendakunata, primiciakunata y diezmukunata markakunapita y chakrakunapita Judá runakuna apayämuptinmi say täpaqkuna chaskiykur almacén cuartukunaman churayarqan. Leykuna nishqannömi say shuntayashqan karqan cürakunapaq y levitakunapaq. Judá runakuna sayno shuntayarqan cürakuna y levitakuna Tayta Diospa templuncho sirviyashqanpita kushikurmi.