Nehemías 1:2 - Tayta Diospa Wilakuynin

² Saycho kaykaptïmi Judápita shamuq runakunawan wawqï Hanani watukamaq chämurqan. Paykunatami tapukurqä Jerusalén marka imano kaykashqanta y Judácho quëdamuq runakuna imano kaykäyashqantapis.

Nehemías 1:2 Referans Kwoze

Nehemías 7:2

Jerusaléncho mandaq kananpaqmi churarqä wawqï Hananita. Payta yanapänanpaqmi churarqä cuartilcho mas mandaq soldädu Hananíasta. Hananíasqa wakin runakunapitapis masmi Tayta Diosta cäsukuq karqan.

Ezequiel 6:9

Prësu aywayashqan nacionkunacho täyashpannami noqata yarpäyämanqa. Saynöpis yarpäyanqa mana wiyakamaypa melanaypaq ïdulukunata adorar fiyupa rabyanäsiyämashqantami. Ïduluta rurayaptin melanashqäta tantiyakurmi pasaypa penqakur lakikuyanqa.

Ezequiel 7:16

Wakinnami mansakash palumakunano jirkakunaman qeshpir aywakuyanqa. Jusalikuyashqanpita nakarmi lapanpis waqayanqa.

Jeremías 44:14

Judápita Egiptupa aywakuqkuna manami mayqaykipis kawaykar quëdayankisu. Judácho täyänaykipaq mayjina kutiyta munarpis juk ishkay qeshpiqkunalami kutirpis kutiyankipaq> >>.

Esdras 9:14

Sayno kuyaykäyämaptikipis jusasapa runakunapa warmi surinkunawan majasakäyashpä mandamientuykikunata yapaymi manakaqman churayashkä. Sayno rurayashqätaqa manami imanöpapis tantiyayta atipäsu. Sayno ruraykäyaptïqa rabyakushpayki rasuntachir lapäkunata ushakäsiyämankiman.

Génesis 14:10

Sidim pampachöqa brea pözukuna askami karqan. Saymi Sodomapa y Gomorrapa mandaqnin reykuna soldädunkunawan guërrapita qeshpiykäyashqancho say brea pözukunaman jeqakurpuyarqan. Wakin kaq reykunami soldädunkunawan jalqakunapa qeshpiyarqan.

2 Reyes 24:14

Saynölami rey Nabucodonosorqa Jerusalénpita chunka waranqa (10,000) runakunata Babiloniaman prësu apakurqan. Saynölami prësu apakurqan capitankunata, alinnin soldädukunata, artesänukunata y herrërukunatapis. Pobri runakunalatami saycho kachaykurqan.

2 Reyes 25:12

Mas muchuqkunatami isanqa jinalancho kachaykurqan chakrakunata aruyänanpaq y üvakunata uryayänanpaq.