Miqueas 4:1 - Tayta Diospa Wilakuynin

¹ Shamuq watakunachömi Tayta Diospa wayin kaykashqan lömaqa wakin lömakunapita mas respitash kanqa. Saymanmi maysay nacionpitapis runakuna Tayta Diosta adoraq aywayanqa.

Miqueas 4:1 Referans Kwoze

Jeremías 3:17

Say wisanmi Jerusalénta niyanqa Tayta Diospa trönun kashqanta. <

Salmo 22:27

27 (28) May nacionpita karpis Tayta Diosmanmi yärakuyanqa. Mayqan ayllupita karpis nawpanman qonqurpakuykurmi adorayanqa.

Zacarías 8:3

<

Salmo 86:9

Qammi lapan nacionkunata kamashkanki. Lapan nación runakunami adorayäshunaykipaq shayämunqa. Puntaykiman qonqurpakamurmi jutikita joqariyanqa.

Hechos 2:17

<<

Oseas 3:5

Saypitaraqmi Israel runakuna perdonta manakur Tayta Diosta ashiyanqa. Saynölami David ayllu mandaqnin reytapis cäsukuyanqa. Shamuq watakunachömi Tayta Diosta mansapakur bendicionninta kushish chaskikuyanqa.

Ezequiel 43:12

Löma janancho templu kaykashqan pampakuna kuchu kuchu sagrädumi kanqa. Sayta tantiyarqa templucho imano sirviyämänanpaq kaq leykunata cumpliyanqami>>.

Malaquías 1:11

<

Zacarías 2:11

11 (15) Say wisanmi aska nación runakuna sirviyämanqa. Kuyashqä runakuna kayaptinmi noqaqa paykunawan imaypis kaykäshaq>>. Say nishqannöla päsaptinmi musyayankipaq lapanta mandaq Tayta Dios qamkunaman kachamashqanta.

Isaías 54:2

Aska wawaykikuna yuriyänanpaq kaykaptinqa tolduykita jatunsay. Estäcakunata jawir waskakunawan tolduykikunata siguray.

Apocalípsis 20:4

Saypitanami trönukunata rikarqä. Say trönukunamanmi juzgaqkuna jamakuyarqan. Saynölami saysika almakunatapis rikarqä. Say almakuna kayarqan Jesucristuman yärakur Tayta Diospa wilakuyninta wilakuyashqanpita umankunatapis jipiypa wanusiyashqan runakunapa almankunami. Paykuna manami anticristuta ni ïduluntapis adorayarqansu. Saynöpis manami anticristupa señalninwan urkunmanpis ni makinmanpis señalasikuyarqansu. Say runakuna kawarirkamur waranqa (1,000) watami Jesucristuwan mandayanqa.

Apocalípsis 11:15

Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

Hebreos 1:2

Kay ultimu tiempuchönami isanqa Surin Jesucristuwanna wilakuyninta wilapämansi. Paywanmi kay pasatapis jana pasatapis kamarqan. Paytami churarqan lapantapis munaynincho sararänanpaq.

Daniel 7:27

Saypitanami munayyuq Tayta Diosman yärakuqkuna kay pasacho lapan mandaqpitapis mas mandaq kayanqa. Saynölami munayyuqpitapis mas munayyuq kayanqa y respitash runapitapis mas respitash kayanqa. Tayta Dios mandaykashqan imaypis mana ushakaq kaptinmi kay pasacho lapan nacionkuna payta sirviyanqa>.

Daniel 2:44

<

Isaías 49:6

Paymi nimash: <>.

Apocalípsis 15:4

¿Piraq mana mansapakuykushunkimansu? ¿Piraq mana alabaykushunkimansu? Qam japalaykimi santu kaykanki. Runakunata rurayashqanman tupu juzgashqaykita pïmaymi musyayan. Saymi lapan nación runakunapis puntaykiman shamur adorayäshunki>>.

Miqueas 3:12

Sayno kayashqaykipitami Sión löma imayka barbichash chakrano quëdanqa. Jerusalén markata ushakäsiptinmi raqälana quëdanqa. Templutapis juchusiyaptinmi jachakunalana saycho winanqa.

Daniel 7:18

Saypitanami munayyuq Tayta Diosman yärakuqkuna pay mandaykashqanta chaskiyanqa. Say mandashqanchömi imayyaqpis mana ushakaypa paykuna kayanqa>.

Daniel 7:14

Say Awkinmi payta churarqan lapanta mandananpaq, lapanpaq munayyuq kananpaq y lapanpita respitash kananpaq. Saymi may markapita karpis, maysay nacionpita karpis y ima idiömata parlarpis payta sirviyarqan. Pay mandaykashqanqa imayyaqpis mana ushakaqmi kanqa. Munayyuq kashqantaqa manami pipis qechunqasu ni pipis ushakäsinqasu.

Daniel 2:35

Saymi mitupita, fiërrupita, broncipita, qellaypita y qoripita monumentuta shaluskish. Usya tiempu ëracho trïguta trillaptin polvu rikakushqannömi say monumentupis polvu rikakush. Say polvuta wayra apakuptinmi imapis quëdashnasu. Monumentuta shaluq rumimi isanqa jatunkaray jirka rikakushpan intëru pasaman juntash.

Daniel 2:28

Sayno kaptinpis jana pasacho kaykaq Tayta Diosmi runa mana tantiyashqanta revelan. Paymi sueñuynikicho musyasishushkanki shamuq watakuna imano kananpaq kashqantapis. Kanan wilashayki sueñuynikicho imata rikashqaykitapis.

Ezequiel 40:2

Israel nacionman revelacioncho chäsimarmi altunnin jirkaman Tayta Dios churamarqan. Saypita sur kaqläpa rikachakurmi markanöraq saysika wayikuna kaykaqta rikarqä.

Ezequiel 38:16

kuyashqä Israel nacionnïta atacanki. Saysika soldädukunawan shamurmi pasa sapakurkuq yana pukutaynöraq kayanki. Shamuq watakunacho sayno atacanaykipaqmi kamakäsishaq. Saynöpami wakin nación runakunapis munayyuq kashqäta musyayanqa.

Jeremías 48:47

Sayno kaptinpis watakuna päsarkuptinqa moabita runakunata nacionninmanmi kutisimushaq. Noqa Tayta Diosmi sayno nï>>. Moab nación runakunata Tayta Dios castigananpaq wilashqan kaychömi ushan.

Jeremías 16:19

Tayta Dios, qammi valorta qomanki. Ima peligrupitapis qammi sapämanki. Qamta adorayäshunaykipaqmi maysay nacionkunapitapis shamur niyanqa: <

Isaías 43:6

Nortitapis y surtapis nishaq: <¡Wamräkunata ama sarikurkuyaysu! ¡Mayjina karucho sarararpis olquta warmitapis kutisiyämuy!

Isaías 27:13

Say wisan cornëtata tukamuptinmi Asiriacho tarpis y Egiptucho tarpis nacionnikiman kutiyämunki. Jerusalénman kutiykamurmi sagrädu lömacho Tayta Diosta adorayanki.

Salmo 110:3

Guërraman aywanaykipaq wilakasiptiki soldäduykikuna juklami shuntakäyanqa. Jirkakunacho waran waran shulya yurishqannömi qampis waranlan waranlanta maqtano rikakunki.

Génesis 49:10

Judá ayllulapitami reykuna imaypis kayanqa. Manami pipis munayyuq rey kayninta qechunqasu. Sayno kanqa lapanpaq munayyuq kaq rey chämushqanyaqmi. Say reytami maysay nación runakunapis cäsukuyanqa.

Génesis 49:1

Saypitanami lapan surinkunata qayaykur Jacob nirqan: <

2 Pedro 3:3

Ultimu tiempukunacho Diosta mana cäsukuq runakuna yurimunanpaq kashqanta tantiyakuyay. Say runakunaqa asipäyäshushpaykimi

Daniel 10:14

Revelacionta rikashqaykiqa kaykan Israel runakunata ultimu tiempucho päsananpaq kaqkunami. Sayta tantiyasinäpaqmi shamushkä>>.

Daniel 7:22

Sayno vincirqan imaypis kawaq Awkin shamur kuyashqan runakunapa favornin sharkushqanyaqmi. Favornin sharkuptinnami Tayta Dios mandaykashqanta chaskikuyarqan.

Salmo 48:1

1 (2) Tayta Diosninsiqa munayyuqmi kaykan. Tashqan markacho payta imaypis alabashun. Sagrädu lömacho payta imaypis adorashun.

Isaías 56:7

akrashqä sagrädu lömamanmi pushashaq wayïcho kushish adorayämänanpaq. Noqapaq sacrificiukunata saycho rupasiyaptinqa chaskishaqmi. Wayïqa kanqa maysay nación runakuna manakayämänanpaqmi>>.

Jeremías 26:18

<.

Jeremías 31:12

Kutiykamurmi Sión lömaman wisarkur kushish cantayanqa. Bendicionnïwanmi mikuypis, vïnupis, aceitipis, uyshapis, wäkapis saysika kanqa. Täyashqan parti parquna huertano kaptinmi imapis pishinqanasu.

Zacarías 14:10

Intëru Judá nacionmi pampa rikakunqa Gebapita hasta Jerusalénpa sur kaqlänincho kaykaq Rimón partiyaq. Jerusalénnami löma jananchöna quëdanqa. Runakuna Jerusaléncho täyanqa Benjamín Punkupita hasta Unay Punku jutiyuq punku kashqanyaqmi. Say Unay Punkupa jutinmi kanan kaykan Esquïna Punku. Saynölami täyanqa Hananeelpa rikachakunan törripita hasta reypaq üvata jaruyänan kaykaqyaq.