Miqueas 3:11 - Tayta Diospa Wilakuynin

¹¹ Autoridäkunapis ashäkuyta apapaqnin kaqlapaqmi favornin sharkuyan. Cürakunapis qellaypaq kashlami yachasiyan. Profëtakunapis qellaypaq kashlami wilakuyan. Sayno kaykarmi niyan: <>.

Miqueas 3:11 Referans Kwoze

Jeremías 6:13

<

Isaías 1:23

Autoridänikikunapis Tayta Diosta manami wiyakuyansu. Suwakuqkunata janansarmi chaskipakuyan. Ima demandulatapis arreglayänanpaq cobrayanmi. Waksakunata manami respitasiyansu. Viüdakuna demandakuyaptinpis manami cäsuyansu.

Miqueas 3:5

Lula profëtakunami Tayta Dios kuyashqan runakunata lulapaykäyan. Paykunaqa imatapis aptapaq kaqpaqqa bendición kananpaq kashqantami niyan. Mana aptapaq kaqpaqmi isanqa maldición kananpaq kashqanta niyan. Say lula profëtakunatami Tayta Dios nin:

Jeremías 7:4

Ama criyiyaysu yapay yapay kayno niyäshuptiki: <<¡Tayta Diospa templun kaycho kaykaptinqa imaypis sapämäshunmi!>>

1 Pedro 5:2

Tayta Diosman yärakuqkunata rikayänaykipaq churash kaykarqa uysha misiqkuna uyshankunata rikayashqanno shumaq rikayay. Mana niraykälar rikayänaykipa trukanqa lapan voluntänikiwan rikayay. Ama qellay raykula rikayankisu, sinöqa Tayta Dios munashqanno ashak ashakla rikayanki.

Tito 1:11

Wakin wawqi panikunata maynami lapan castantinta sayno engañayash. Paykuna lutanta yachaykäsiyan imatapis sakyayänan raykulami. Sayno lutanta yachasiyänanta ama kachapaysu.

Miqueas 7:3

Jusalikuypaqqa mamalan wachashqami kaykäyan. Autoridäkunapis y juezkunapis chaskipakurmi shumaq arreglayansu. Rïcu runakunaqa päga pägaykurmi munayashlanta rurasiyan. Saynöpami wakin runakunapis jusalikuylaman churakash kaykäyan.

Isaías 48:2

Qamkunaqa sagrädu Jerusaléncho täyashpaykimi kushikuykäyanki. Saynöpis niyanki kuyashuqniki Tayta Diosman yärakuyashqaykitami. Paypa jutinqa lapanta mandaq Yahwehmi kaykan.

Jeremías 8:10

Paykunaqa lapanpis yarpaykäyan suwakuypa imatapis tariyänalanpaqmi. Saymi paykunata castigar warminkunatapis y chakrankunatapis jäpa runakunata qoykushaq. <<

1 Samuel 8:3

Paykuna manami papäninnösu ali juez kayarqan. Ali arreglayänanpa trukanqa wachakash karmi jukpa favornilan sharkuyänanpaq chaskipakuyaq.

Números 16:15

Sayno niyashqanta wilaptinmi Moisés fiyupa rabyanashpan Tayta Diosta nirqan: <<¡Paykuna inciensuwan qoshnisiyaptin ama chaskiysu, Taytay! Noqa manami ni juk ashnulantapis qechushkäsu ni imaypis paykunata wajupashkäsu>>.

Judas 1:11

¡Paykunaqa imajinanparaq nakayanqa! Caín wawqinta chikir wanusishqanno y Balaam qellaylapaq wachakash kashqannömi paykunapis kaykäyan. Moiséspa contran parlashqanpita Coré ushakashqannömi say lutan yachasikuqkunapis elaqpita ushakäyanqa.

1 Timoteo 3:3

Saynöpis kayanman mana upyaq, pitapis mana wajupaq, kuyapäkuq, qellaylapaq mana wachakash

Amós 9:10

Mana cäsukamaq kaqkunataqa lapantami espädawan wanusishaq. niqkuna lapanmi ushakäyanqa>>.

Oseas 4:18

Paykunaqa upyalaman churakashqami kaykäyan. Altarkunacho kaykaq prostitüta warmikunamanmi imaypis aywaykäyan. Autoridäninkunapis jusalikur penqakuypaqmi kaykäyan.

Isaías 56:11

Malaqash alqunömi imaykatapis saripa sariykäyan. Imatapis mana tantiyaq uyshërunömi kaykäyan. Lapanpis lutanta rurarmi kawakuyan. Imata rurarpis pägupaq kashlami rurayan.

Mateo 3:9

Ama yarpäyaysu Abrahampa ayllun kayashqaykipita Tayta Dios salvayäshunaykipaq kashqanta. Noqa kaynömi nï: Tayta Dios munarqa kay rumikunatapis Abraham ayllu runakunaman tikrarasinmanmi.

Malaquías 1:10

<<¡Ima aliraq kanman pipis mana yaykunanpaq templupa punkunta wichqayaptin! Saynöpaqa manami pipis altarnïman mana ali uywakunata apayämunmansu. Sayno apayämushqayki manami gustamansu. Apayämuptikipis manami chaskiyäshaykisu.

Sofonías 3:3

Mikanaypita qaparaykaq leonkunanömi autoridänikikunapis kaykäyan. Tulutapis mana kachariq malaqash atuqkunanömi jueznikikunapis kaykäyan.

Ezequiel 22:27

<<

Ezequiel 22:12

<< .

Proverbios 17:23

Yaqa runaqa pakaylapami chaskipakun. Nirkurmi jusalikuqpa favornin sharkun.

Isaías 5:23

Chaskipakuyänan kashqami jusayuqtapis jusaynaq kashqanta niskiyan. Jusaynaqtapis jusayuq kashqantami niskiyan.

Jeremías 23:17

Mana cäsukamaqkunata corrigiyänanpa trukanmi niyan: . Shonqun munashqanno jusalikuqkunatapis niyan: .

Jeremías 26:7

Tayta Diospa wayincho Jeremías sayno nishqantaqa cürakuna, profëtakuna y lapan runakunami wiyayarqan.

Ezequiel 34:2

<

Oseas 4:8

Jusalikuyashqanpita uywata sacrificiupaq apayämuptinmi kushikuyanki. Sacrificiu aysata chaskiyänayki kashqami runakuna mas jusalikuyänanta munaykäyanki.

Amós 5:14

Kuyaypaq munaypaq kawayänaykipaq lutankunata rurayaysu, sinöqa ali kaqkunalata rurayay. Saymi lapanta mandaq Tayta Dios yarpäyashqaykinöla yanapäyäshunki.

Malaquías 2:9

Leynïkunata mana cäsukurmi wakin runakunata ali rikarpis wakintaqa mana ali rikaykäyanki. Saymi runakuna mana respitayäshunaykipaq y manakaqman churayäshunaykipaq qamkunata kacharishkä>>.

Números 22:7

Sayno yäsirkuptinmi maldicionapänanpaq qellayta apakurkur Moab y Madián mayor runakuna Balaam kaqman aywayarqan. Chaykurmi Balac nishqannöla lapanta wilayarqan.

Jeremías 5:12

<

Sofonías 3:4

Profëtaykikunapis mana respitakuq y engañakuqmi kaykäyan. Cüraykikunapis sagrädu templutami impüruyäsiyan. Tayta Diospa leyninkunatapis manami cumpliyansu.