Miqueas 1:5 - Tayta Diospa Wilakuynin

⁵ Lapan saykuna kanqa Jacobpita miraq runakuna jusalikuyashqanpitami. Israel runakuna jinan Samaria markachömi jusalikuykäyan. Judá runakunapis jinan Jerusalénchömi ïdulukunata adoraykäyan.

Miqueas 1:5 Referans Kwoze

Amós 8:14

Saynöpis Samariacho kaq ïdulukunata adoraqkuna, Dancho kaykaq ïdulupa jutinta joqariqkuna y Beersebacho kaykaq ïdulukunapa jutinta joqariqkunapis lapanmi wanur ushakäyanqa>>.

Jeremías 2:19

Qamkunaqa mana cäsukamaypa jusalikuyashqaykipitami castïguta chaskiyankipaq. Say hörami tantiyayankipaq noqata qonqaykamar mana mansapakayämashqaykipita desgracia päsayäshushqaykita. Lapanta mandaq Tayta Dios karmi sayno nï.

Lamentaciones 5:16

Umäkunapita corönäkuna shikwaqnömi munayyuq kayashqäpis ushakash. ¡Kaychi kaylaqa! Seqaypa jusayuq kayashqäpitami kayno nakaykäyä.

Jeremías 6:19

<<¡Mundu intëru, shumaq wiyayämay! Kay runakunata fiyupami castigashaq. Sayno castigashaq wilapashqäta mana wiyakuyashqanpita y leynïkunata mana cäsukuyashqanpitami.

Jeremías 4:18

Judá runakuna, mana cäsukuypa lutanta rurayashqaykipitami saynöqa päsayäshunkipaq. Sayno päsayäshuptiki fiyupa lakikur shonquykikunapis nananqaraqmi.

Jeremías 2:17

Qamkunata sayno päsayäshushkanki pusharaykaptïpis noqa Tayta Diosnikita kachariyämashqaykipitami.

1 Reyes 13:32

Bet-elcho kaykaq altarpa contran y Samaria markakunacho kaykaq altarkunapa contran kay profëta wilakushqanqa lapanpis nishqannölami päsanqa>>.

Amós 6:1

Sióncho jawka täkuq autoridäkuna, ¡pasaypami nakayankipaq! Samaria lömacho kushish täkuq yachaq runakuna, ¡pasaypami nakayankipaq! Qamkuna ali tantiyasikuq kayashqaykita yarparmi Israel mayikikuna shayämun tantiyasiyänaykipaq.

Oseas 7:1

y mana ali kawayashqanpita jampiyta munarpis Efraín y Samaria runakuna jusalikuyashlantami rikä. Lapanpis lulakur yachakashqami kaykäyan. Suwakuyänanpaq yachakash karmi pipa wayintapis suwakuykäyan. Cällikunachöpis runakunapa imantapis qechuykäyanmi.

Jeremías 5:25

Saymi kananqa kikikikunapa jusaykipita tamyasimushaqnasu. Ali kaqkunata tariyänaykipaq kaqtapis manami tariyankinasu.

2 Crónicas 34:3

Yaykushqanpita puwaq watana rey kaykarmi wamralaraq karpis Josíasqa unay ayllun David yärakushqan Tayta Diosta ashiyta qalaykurqan. Chunka ishkay watana rey kaykarmi Jerusalénta y Judá nacioncho kaykaq wakin markakunatapis purificar qalaykurqan. Purificarmi markakunacho kaq altarkunata, Asera diösapaq jawiyashqan raku qerukunata, laqlaypa y fundiypa rurayashqan ïdulukunatapis ushakäsirqan.

2 Crónicas 34:4

Ichiparaykaptinmi Baalpaq rurasiyashqan altarkunatapis chipyaq juchusiyarqan. Saynöpis mandarqan inciensu qoshnisikuyänan altarkunata juchusiyänanpaq, Asera diösapaq jawiyashqan raku qerukunata pedäzu pedäzu pakiyänanpaq y laqlaypa y fundiypa rurayashqan ïdulukunatapis ushayänanpaqmi. Pakiyashqankunata aqullarkurmi say ïdulukunata adoraqkuna pamparaykäyashqan jananman shikarqan.

Isaías 7:9

Efraín nacionpa capitalninqa Samaria markalami kaykan. Y Samaria markacho reypis Remalíaspa surilanmi kaykan. Nishqäta mana criyirqa qamkunapis ushakäyankimi> >>.

Amós 7:9

<>.

Miqueas 1:13

Laquischo taq runakuna, qamkunami Israel nación runakunano mas puntata Judá nacioncho jusalikuyarqayki. Jusalikuyänanpaq Sión runakunatapis qamkunami yachasiyarqayki. Kananqa qamkunamanmi castïgu chämunqa. Say castïgupita qeshpiyänaykipaq cawalluykikunaman carrëtaykikunata watayay.

1 Reyes 11:7

Saymi Jerusalén markapa simpan lömacho moabita runakuna adorayashqan melanaypaq Quemos diospaq altarta sharkasirqan. Saynölami altarta sharkasirqan amonita runakuna adorayashqan melanaypaq Moloc diospaqpis.

1 Reyes 16:24

Saypita juk markata sharkasinanpaqmi Samaria lömata Semer runapita Omri rantirqan. Say lömapa chanintami pägarqan soqta chunka soqta (66) kïlu qellayta. Saycho markata sharkarkasirmi jiruruypa corralasirqan. Lömapa punta kaq duëñunpa jutin Semer kaptinmi say markata jutisirqan Samaria kananpaq.

Jeremías 23:13

<

Jeremías 23:14

Say profëtakunapitaqa Jerusaléncho kaykaq profëtakuna peormi kaykäyan. Paykunaqa runayuq warmikunawanmi kakuyan, lulakuyan y fiyu runakunata shakyäsiyan lutanta rurayänanpaq. Sodoma y Gomorra markakunacho taqkunanömi profëtakuna jusalikuykäyan. Sayno kayaptinmi jusalikuyta pipis kacharinsu>>.

Ezequiel 16:46

Samaria markami mayor nanayki kaykan. Payqa norti kaqlächömi wawankunawan tarqan. Shulka nanaykinami Sodoma marka kaykan. Payqa sur kaqlächömi wawankunawan tarqan.