Miqueas 1:16 - Tayta Diospa Wilakuynin

¹⁶ Jerusaléncho taq runakuna, kuyayashqayki surikikunatami karu nacionman apakuyanqa. Sayno kananpaq kashqanpita lakikuyashpayki qara putuypa rutukuyay. Wiskurno kayänaykipaq qara putuypa rutukuyay.

Miqueas 1:16 Referans Kwoze

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Jeremías 7:29

¡Lakikuyashpayki aqsaykikunata rutuyay! ¡Sunyaq jirkakunaman aywaykur waqay waqayta cantayay! Tayta Dios fiyupa rabyashpanmi kachariykuyäshushkanki. Manami rikaytapis munayäshunkinasu> >>.

Job 1:20

Saymi Job pasaypa lakish sharkurkur mödananta rachirqan y aqsantapis ruturirqan. Nirkurnami pasaman lätakuykur Tayta Diosta adorashpan

Amós 8:10

Fiestata rurayänaykipa trukan imaypis waqalarmi kayanki. Cantarpis waqay waqaylatami cantayanki. Lütu mödanaykikuna jatishlami puriyankipis. Lakikuyashpaykimi umaykikunatapis qara putuypa rutukuyanki. Juklayla suriki wanuykuptin waqayashqaykinömi pasaypa lakikur waqayanki. Ima rurayashqaykipis manami shonquykikunapaqsu kanqa>>.

Jeremías 16:6

Kay nación runakunata castigashqäwan rïcupis pobripis wanuyaptin manami pipis kanqasu pampananpaq ni waqananpaqpis. Manami lakikuywan aqsanta rutukunanpaq ni qaranta pishtaypa pishtar kusukunanpaq pipis kanqasu.

Jeremías 6:26

Saymi noqa nï: <<¡Marka mayikuna, qachqa mödanakunata jatikurkur uchpacho qoshpayay! ¡Japalan suriki wanuptin waqaqno fiyupa waqayay! ¡Ushakäsimänansipaq shamuqkuna elaqpitami chäyämunqa!>>

Isaías 15:2

Sayno kaptinmi Dibón markacho taq runakuna fiyupa lakikuyanqa. Templunman y altarninkunaman aywaykurmi fiyupa lakikur waqayanqa. Nebo y Medeba markakunatapis elaqaskasiyanqami. Chipyaq elaqaskasiyaptinmi moabita runakuna fiyupa lakikur waqayanqa. Sayno lakikurmi aqsantapis shaprantapis rutukuyanqa.

2 Reyes 17:6

Oseas esqun wata rey kaykaptin Samaria markata vinciykurmi Israel runakunata Asiriaman prësu apakuyarqan. Chaykasirmi Halah markaman, Gozáncho kaykaq Habor mayu nawpancho kaykaq markakunaman y Media runakunapa markankunamanpis churayarqan.

Deuteronomio 28:41

Olqutapis warmitapis surikikunata karu markakunapa apakuyaptin manami mayqanpis nawpaykikunacho kanqasu.

Jeremías 47:5

Gaza markacho taq runakuna fiyupa lakikuyashpanmi aqsankunatapis rutukuyanqa. Ascalón markacho taq runakunapis upatakäyanqami. Saycho taqkuna wanuqkunapaq lakikurmi qarankunatapis kusukuyanqa.

Amós 7:11

Pay puriykan kayno nirmi: >>.

Amós 7:17

< >>.

Jeremías 4:8

Sayno päsashunaykipaq kaykaptinqa lakikuyashpayki qachqa mödanakunata jatikuyay. Pasaypa nanäsikur waqayashpayki qaparäyay. Pasaypa rabyashqätaqa manami imanöpapis päsasiyankipaqsu> >>.

Lamentaciones 2:19

Sakaykunapapis makikita soqpakurkur Tayta Diosta ruwakuy. Lakikuykashqaykitapis lapan shonquykiwan waqapar wilapay. Mikanaypita wamraykikuna cällikunacho mana wanuyänanpaq makikita joqarkur ruwakuy.