5 <
Ali shonqukunami isanqa Tayta Dios qoshqan nacioncho ali kawayanqa. Paykunaqa kushishqami kawayanqa.
Tayta Dios yanapaptinmi humildikuna kushikuyanqa. Israel runakunapa santu Diosnin yanapaptinmi muchuqkunapis kushish kawayanqa.
Qamkuna kaqcho mayqanpis yachaq y tantiyaq karqa mana yachaq tukuylapa alikunata rurasun. Sayno kawaptinraqmi yachaq kashqan musyakanqa.
Kuyashqan runakunata rikarmi Tayta Dios kushikun. Ali kawayänanpaqmi humildikunata yanapan.
humildi kansi y alilata ruranansipaq tantiyakunsi. Sayno kawarqa manami ima leytapis manakaqman churaykansisu.
Mana ali ruraykunatapis y imayka viciukunatapis kachariyay. Wilakuyninta shonquykikunaman Tayta Dios murush kaykaptinqa wilakuyninta shumaq cäsukuyay. Paypa ali wilakuyninqa salvayäshunaykipaq munayyuqmi kaykan.
Humildi kaqkunatami tantiyasin. Alilata rurayänanpaqmi yachasin.
Paykuna sayno rimayaptinpis kay pasacho pïmaypitapis mas qollmi shonqu karmi Moisés imatapis parlakurqansu.
Tayta Dios akrashqan y kuyashqan santu runakuna kaykarqa jukniki juknikipis kuyapänakur kawayay. Saynöpis yanapänakuyay, mana yachaq tukuypa kawayay, pïmaypaqpis ali shonqu kayay y pacienciakuyay.
Noqapa yügüta matankakuyay. Kuyapäkuq y ali shonqu kashqäta rikakur noqapita yachakuyay. Noqapita yachakurmi jamayta tariyanki.
Mana yachaq tukuypa kawayay, pïmaypaqpis ali shonqu kayay y kuyanakur pacienciakuyay.
Lakikuyänaykipa trukanqa Jesucristo ämuyki kashqanta tantiyar pay munashqanno kawayay. Jesucristuman imanir yärakuyashqaykita pipis tapuyäshuptiki tantiyasiyänaykipaq imaypis kamarikushla kaykäyay.
Kay pasacho ali shonqu runakuna, Tayta Diosta lapayki ashiyay. Mandamientunkunata cäsukuqkuna, mana yachaq tukuylapa pay munashqanno kawayay. Sayno kawayaptikiqa capazchir Tayta Dios rabyanan junaq salvayäshunkimanpis.
Saynöpis yachasinki washarima mana kayänanpaq, pitapis mana wajupäyänanpaq, ali shonquyuq kayänanpaq y pïmaywanpis ali rikanakur kawayänanpaq.
Tayta Diospa bendicionninta chaskiq runakunaqa chaskiyashqan nacioncho alimi kawayanqa. Maldicionashqan kaq runakunami isanqa ushakäyanqa.
Yaqa runakunataqa Tayta Dios ushakäsinqami. Payman yärakuqkunami isanqa qoshqan nacioncho ali kawayanqa.
Saypa trukanqa ali shonqu kayashqayki y pïmaywanpis ali kawayashqaykimi kuyaylapaqqa kaykan. Sayno kawayashqaykimi Tayta Diospa shonqunpaqno kaykan.
Pïninpis mana kaqkunapa favorninmi sharkunqa. Pobrikunatapis intëru nacionninsichömi respitasinqa. Parlashlanwanmi runakuna wanuyanqa. Fiyu runakunatapis juk pükaylami ushakärasinqa.
Paykunamanmi bendicionninta imaypis churamun. Paykunapita miraqkunatami posisiontapis aypun.
Timoteo, Tayta Diosta sirviq kaykarqa ama qellaypaq wachakash kaysu. Saypa trukanqa Tayta Dios munashqanno imaypis kaway, payman yärakuy, runa mayikita kuyapay, pacienciakuy y pitapis ali shimilaykipa parlapay.
32 (33) Salvamashqanta rikarmi lakish kaykaqkunapis kushikuyanqa. Tayta Diosta ashiqkunapis paymanmi yärakuyanqa.
Ali runakunaqa Tayta Dios qoshqan nacionchömi imayyaqpis täyanqa.
Tayta Diosman yärakuy. Pay munashqanno imaypis kaway. Sayno kawaptikiqa paymi yanapäshunki qoshushqayki nacioncho kushish kawanaykipaq. Rikaykaptikimi yaqa runakunata ushakäsinqa.
Contrayki sharkuqkunata ali shimilaykipa tantiyasiy. Sayno tantiyasiptiki capazchir Tayta Dios tantiyasinqa jusalikushqanta wanakur pay munashqannöna kawayänanpaq.
Manami leykunata cumpliyashqanpitasu Abrahamta y paypita miraqkunatapis kay pasata qoykunanpaq Tayta Dios promitirqan, saypa trukanqa Tayta Diosman yärakuyashqanpitami.
Pobrikunatapis Tayta Diosmi yanapan. Yaqa runakunatanami isanqa penqayman churan.
< >>.
<
Tayta Dios akramash karmi Espïritunta noqaman kachamush. Paymi kachamash pobrikunata ali wilakuyninta wilanäpaq, lakish kawaqkunata shakyäsinäpaq, juklä nacionman prësu aywaqkuna librina kayashqanta wilanäpaq y carcilcho wichqaraykaqkunatapis yarqayämunanpaq kashqanta wilanäpaq.
26 (27) Muchuqkuna pacha juntami kayanqa. Tayta Diosta ashiqkunaqa paytami alabayanqa. Paykuna imayyaqpis kushishlami kawayanqa.
