Mateo 5:16 - Tayta Diospa Wilakuynin

¹⁶ Saynöla qamkunapis runakuna rikakuyäshunaykipaq sakaycho asikyaqno alikunata rurayay. Sayno kawayashqaykita rikakurmi jana pasacho kaykaq Taytaykita alabayanqa.

Mateo 5:16 Referans Kwoze

1 Pedro 2:12

Jesucristuta mana chaskikuqkunawan ali kawayay. Ali kawayashqaykita rikarmi manakaqkunata kanan jitapäyäshushpaykipis Jesucristo kutimunan junaq Tayta Diosta alabayanqa.

Tito 2:7

Rikakuyäshunaykipaq kikikipis ali kaway. Pitapis yachasirqa Tayta Diospa wilakuynin nishlanta formal yachasinki.

Juan 15:8

Saynöpami ali wayuq üvano kar rasunpaypa discïpulükuna kaykäyanki. Sayno kawayaptikimi Taytäta alabayanqa.

Efesios 5:8

Nawpataqa qamkunapis jusalikuyashpayki sakaqcho kaykaqnömi kawayarqayki. Kananmi isanqa Jesucristuta chaskikur asikyaqchöna kawaykäyanki. Sayno kaykarnaqa Tayta Dios munashqanno waran waran kawayay.

1 Pedro 3:16

Tantiyasirqa ali shimilaykipa parlapäyanki. Saynöpis runa mayikiwan imaypis ali kawayanki. Sayno kawayashqaykita rikarmi washaykita rimaqkuna penqakuyanqa.

1 Pedro 4:14

Tayta Diospa munayyuq Espïritun qamkunawan kaykaptinqa Jesucristuta chaskikuyashqaykipita ashliyäshuptikipis kushikuyay. [Ashliyäshushpaykiqa Jesucristutami manakaqman churaykäyan. Qamkunami isanqa payta alabaykäyanki.]

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.

Isaías 58:8

<

Tito 3:14

Sayno yanaparmi wawqi panikuna yachakuyanqa wakin kaqtapis yanapäyänanpaq. Sayno rurarqa Tayta Dios munashqannömi kawayanqa.

1 Timoteo 6:18

Saynöpis rïcukunata yachasiy alikunata imaypis rurayänanpaq y wakin runakunata riquëzankunawan yanapäyänanpaq.

2 Corintios 9:13

Saynöpis Jesucristupa ali wilakuyninta cäsukuyashqaykita tantiyar Tayta Diosta alabayanqa paykunata y wakinkunatapis yanapäyashqaykipita.

Efesios 2:10

Jesucristucho kashqami alikunata rurar kawanansipaq mushuq kawayta Tayta Dios qomashkansi. Sayno kawanansipaqqa unaypita pasami destinamarqansi.

Hebreos 10:24

Kuyanakunansipaq y alikunata ruranansipaq jukninsi jukninsi shakyäsinakushun.

Proverbios 4:18

Alita ruraq runakuna kawayashqanqa pasa waraptin asikyashqannömi kaykan. Pasa waraylanta mas asikyashqannömi say runakunapis waranlanta waranlanta kuyaypaq munaypaq kawayan.

1 Pedro 4:11

Wilakuyänaykipaq habilidäta chaskish kaykarqa Tayta Diospa wilakuyninta wilakuyay. Wakinta yanapäyänaykipaq habilidäta chaskish kaykarqa Tayta Dios yanapäyäshushqaykiman tupu yanapäyay. Saynöpami Jesucristo kayninpa Tayta Dios lapanchöpis alabash kanqa. ¡Tayta Dios imayyaqpis munayyuqmi! ¡Pay imayyaqpis alabash kaykuläsun! Amén.

1 Tesalonicenses 2:12

Saymi ruwayarqä, shakyäsiyarqä y tantiyasiyarqä Tayta Dios munashqanno kawayänaykipaq. Paymi qayayäshushkanki mandashqancho imayyaqpis paywan kawayänaykipaq.

1 Pedro 3:1

Warmikuna, runaykita cäsukuyay Jesucristupa wilakuyninta mana chaskikush kayaptinpis. Sayno cäsukuyaptikimi mana parlapäyaptikipis tantiyakur Jesucristuta chaskikuyanqa.

Hechos 9:36

Jope markachömi juk discïpulu tarqan Tabita jutiyuq warmi. Tabita ninanqa griego idiömacho Dorcas ninanmi. Say warmimi imaypis alilata ruraq y muchuqkunatapis yanapaq.

1 Timoteo 5:25

Saynölami wakin runakuna alita rurayashqanpis jukla musyakan. Wakinpanami isanqa nirkurraq musyakan.

Mateo 5:45

Tayta Diosqa ali runakunapaq y mana ali runakunapaqpis intita jeqasimunmi. Saynölami ali runakunapaq y mana ali runakunapaqpis tamyasimun. Jana pasacho kaykaq Taytayki kuyapäkuq kashqanno qamkunapis kuyapäkuq karqa paypa wamranmi kaykäyanki.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

1 Timoteo 5:10

alita rurayashqanpita shumaq respitash, wamrankunata shumaq ashmaq, wayinman chaqkunata posädasiq, Diosman yärakuqkunata ali shonqunwan yanapaq, muchuqkunata kuyapaq y alita ruraq.

1 Timoteo 2:10

Saypa trukanqa Tayta Dios munashqanno kawaq warmikunano alikunata rurar kawayäsun.

Gálatas 1:24

Sayno niqta wiyarshi Tayta Diosta alabayänaq.

Isaías 61:3

Sióncho lakish kaqkunata shumaq tantiyasirmi shakyäsishaq. Saymi umankunaman uchpata winakuyänanpa trukan corönatana jatikuyanqa, lütuta jatikuyänanpa trukan aceitiwanna lushikuyanqa y lakish kayänanpa trukan kushishna cantayanqa. Sayno kaptinmi Tayta Dios plantashqan kuyaylapaq encina jachano kayashqanta niyanqa. Saynöpami Tayta Diosta pïmaypis alabayanqa.

Tito 3:4

Sayno kawaykashqami Tayta Dios kuyakuq kar

1 Corintios 14:25

Saymi wilakuyashqayki shonqunman chaptin Tayta Dios qamkunawan kaykashqanta tantiyashpan qonqurpakuykur Tayta Diosta adoranqa.

Lucas 11:2

Saymi Jesús nirqan: <

Mateo 9:8

Sayta rikaykurmi runakuna kushikuyashpan Tayta Diosta alabar niyarqan: <<¡Kay runataqa Tayta Diosmi munayninta qoykush kaykunata rurananpaq!>>

Mateo 23:5

<

Mateo 6:16

<

Mateo 23:9

Kay pasachöqa ama pitapis nir Diostano respitayaysu. Juklaylami Taytaykiqa. Payqa jana pasachömi kaykan.

Mateo 6:9

Qamkunaqa Tayta Diosta kayno manakuyanki: <<

Éxodo 34:35

Wilapaptinmi Israel runakuna rikayaq Moiséspa qaqlan fiyupa chipipiykaqta. Saymi qaqlanta Moisés sapakuq Tayta Dioswan parlaq kutishqanyaq.