Mateo 3:8 - Tayta Diospa Wilakuynin

⁸ Jusaykikunata rasunpaypa wanakush karqa Tayta Dios munashqannöna kawayay.

Mateo 3:8 Referans Kwoze

Lucas 3:8

Jusaykikunata rasunpaypa wanakush karqa Tayta Dios munashqannöna kawayay. Ama yarpäyaysu Abrahampa ayllun kayashqaykipita Tayta Dios salvayäshunaykipaq kashqanta. Noqa kaynömi nï: Tayta Dios munarqa kay rumikunatapis Abraham ayllu runakunaman tikrarasinmanmi.

Hechos 26:20

Saymi Damascucho kaq runakunata wilakuyninta wilapar qalaykurqä. Nirkurmi wilakurqä Jerusaléncho y Judeacho kaq wakin markakunachöpis. Saypitanami mana Israel runakunatapis wilaparqä. Lapantami wilaparqä jusankunata wanakur Tayta Dios munashqanno kawayänanpaq.

Filipenses 1:11

Imaypis alilata rurayänaykipaq Jesucristo yanapaykuyäläshunki. Lapanpis kaykusun Tayta Dios alabash kananpaq.

Efesios 5:9

Asikyaqchöna kawarqa kuyapäkuqmi kayanki, alilatanami rurayanki y rasun kaqlatanami parlayankipis.

Jeremías 36:3

Paykunata castiganäpaq kashqanta musyayashpan Judá runakuna capazchir jusalikuyta kachariyanmanpis. Kachariyaptinqa jusalikuyashqanta perdonashaqmi>>.

Jeremías 26:13

Jusalikuyta kacharir Tayta Diosninsita wiyakuyay. Wiyakuyaptikiqa castigayäshunaykipaq nirkurpis mananami castigayäshunkinasu.

Mateo 21:32

Tayta Dios munashqanno kawayänaykipaq Bautizaq Juan yachasiyäshuptikipis qamkunaqa manami chaskikuyashkankisu. Impuestu cobraqkuna y prostitüta warmikunami isanqa wilakushqanta chaskikuyash. Sayta rikaykarpis qamkunaqa wilakushqanta manami chaskikuyashkankisu ni jusalikuyashqaykita wanakuyashkankisu>>.

Efesios 5:8

Nawpataqa qamkunapis jusalikuyashpayki sakaqcho kaykaqnömi kawayarqayki. Kananmi isanqa Jesucristuta chaskikur asikyaqchöna kawaykäyanki. Sayno kaykarnaqa Tayta Dios munashqanno waran waran kawayay.