Mateo 26:4 - Tayta Diospa Wilakuynin

⁴ Saychömi wilanakuyarqan runakunata mana musyasiylapa Jesústa sarirkur wanusiyänanpaq.

Mateo 26:4 Referans Kwoze

Mateo 12:14

Saypitanami fariseukuna yarquriyashpan Jesústa wanusiyänanpaq wilanakuyarqan.

Hechos 13:10

nirqan: <<¡Diablu munashqanta rurarmi qamqa Tayta Diospa contran kaykanki! ¿Imayyaqtaq runakunata lulapar Tayta Diospa wilakuqnin tukunki?

Salmo 2:2

Manakaqkunata yarparmi nacionkunapa mandaqnin reykunapis guërrata rurayänanpaq kamarikuykäyan. Paykunaqa Tayta Diospa contran y akrashqan reypa contran sharkuyänanpaqmi wilanakur nikäyan:

Hechos 7:19

Sayshi unay ayllunsikunata Faraón fiyupa nakasir seqaypa arusinaq. Ayllunsikuna mirananta mana munarshi olqu yuriq kaqtaqa yuriylanta kachaskiyänanpaq ninaq.

Mateo 23:33

<<¡Culebra casta runakuna! Infiernuman Tayta Dios qaykuyäshunaykipaq kaykaptinqa ¿imanöparaq salvakuyanki?

Génesis 3:1

Tayta Dios kamashqan lapan uywakunapitapis culebraqa mas astütumi karqan. Saymi warmi kaykashqan kaqman witiykur nirqan: <<¿Rasunpaku Dios niyäshushkanki mayqan jachapa wayuynintapis mana mikuyänaykipaq?>>

2 Corintios 11:3

Isanqa lakikü Evata Satanás engañashqanno qamkunatapis lutan yachasikuqkuna engañayäshunaykipaq kaqtami. Majasakänanpaq parlakushqan maqtalapaq jipash kashqannömi qamkunapis Jesucristulapaq kaykäyanki.

Marcos 14:1

Jesús sayno yachasirqan Pascua fiesta y Levadüraynaq Tantata Mikuna fiesta qalaykunanpaq ishkay junaq pishiykaptinmi. Say junaqkunami mandaq cürakuna y ley yachasiqkuna wilanakuyarqan runakunata mana musyasiylapa Jesústa imanöpapis sarir wanusiyänanpaq.

Juan 11:53

Say junaqpitami autoridäkuna wilanakuyarqan Jesústa wanusiyänanpaq.

Proverbios 24:15

Ali runapa contran ama sharkuysu. Wayintapis ama suwapaysu.