Mateo 11:7 - Tayta Diospa Wilakuynin

⁷ Juanpa discïpulunkuna kutiskiyaptinnami runakunata Jesús nirqan: <<¿Imata rikaqtaq sunyaq jirkaman aywayarqayki? ¿Shoqushta wayra kuyusiqta rikayänaykipaqku?

Mateo 11:7 Referans Kwoze

Santiago 1:6

Isanqa lapan shonquykikunawan yärakur manakuyay. Manakuyashqayki höra ama yarpäyaysu <<¿wiyamanqasuraq o manasuraq?>> niyashpayki. Sayno yarpaykar manakurqa lamarta wayra wakläman kayläman pulchaqyäsishqannömi kaykäyanki.

Juan 5:35

Juanqa sindiraykaq mechërunömi karqan. Wilakushqanta wiyarmi juk rätula kushikuyarqayki.

Efesios 4:14

Sayno kawar manami pishi wamranönasu kashun pipis manakaqkunata yachasir lutankunata criyisimänansipaq. Saynöpis manami punshata wayra wakman kayman apashqannönasu kashun.

Génesis 49:4

Aläpa cargash mayuta pipis sapayta mana kamäpakushqannömi qamtapis jusalikuyta munaptiki pipis sapayta puëdishunkisu. Concubïna warmïwan punushpaykimi seqaypa penqayman churamashkanki. Saymi qechpa kay derëchuykita perdishkanki.

Lucas 8:18

Sayno kaptinqa shumaq wiyayämay. Yachasishqäta cäsukuqkunaqa masmi tantiyakuyanqa. Mana cäsukuqkunami isanqa tantiyayashlantapis qonqaykuyanqa>>.

Mateo 21:25

¿Pitaq Juanta kachamush bautizananpaq? ¿Tayta Diosku o runakunalaku?>> Sayno tapuptinmi kikinpura ninakuyarqan: < nimäshunmi.

Mateo 3:5

Juan wilakushqanta wiyaqmi Jerusalénpita, Judeapita y Jordán mayu wisan markakunapita runakuna aywayarqan.

Juan 1:38

Tikraykushqanchömi Jesús rikarqan qepanpa paykuna aywaykäyaqta. Saymi nirqan: <<¿Pitataq ashiykäyanki?>> Tapuptinmi niyarqan: <> (Rabí ninanqa yachasikuq ninanmi.)

Mateo 11:8

Manasayqa ¿ima rikaqtaq aywayarqayki? ¿Ali mödanash runata rikaqku aywayarqayki? Musyayashqaykinöpis reypa wayincho taq rïcu runakunalami ali mödanan jatish kaykäyan.

Mateo 12:20

Laksish shoqushtapis manami pakirinqasu. Upinaykaq aksitapis manami upirasinqasu. Payqa lapantapis alimi juzganqa.