Mateo 10:2 - Tayta Diospa Wilakuynin

² Say chunka ishkay apostolkunami kayarqan Simón (paypa jukaq jutinmi karqan Pedro), Simónpa wawqin Andrés, Zebedeupa surinkuna Santiaguwan Juan,

Mateo 10:2 Referans Kwoze

Hechos 1:13

Chaykuyashpannami päsaräyashqan altusman wisäyarqan. Paykunami kayarqan Pedro, Juan, Santiago, Andrés, Felipe, Tomás, Bartolomé, Mateo, Alfeupa surin Santiago, Zelote niyashqan Simón y Santiagupa surin Judas.

Mateo 4:21

Saypita mas wakläpa aywaykäyashqanchönami rikarqan Santiagutawan wawqin Juanta. Paykunaqa taytan Zebedeuwanmi büquincho redninkunata shilpaykäyarqan. Paykunapis Jesús qayaptinmi

Juan 12:22

Sayno ruwakuyaptinmi Felipiqa Andrésta wilarqan. Nirkurnami ishkan aywaykur Jesústa wilayarqan.

Juan 6:8

Sayno niptinmi Jesúspa discïpulun Andrés nirqan (Andrésqa Simón Pedrupa wawqinmi karqan):

Lucas 5:10

y Zebedeupa surinkuna Santiaguwan Juanpis mansakash rikakuyarqan. Paykunami Simónpa pescaq mayinkuna kayarqan. Saymi Simónta Jesús nirqan: <>.

Mateo 4:18

Galilea qocha kuchunpa aywaykashqanchömi Jesús rikarqan ishkay runakunata. Pescaq karmi redninta yakuman mashtaykäyarqan. Paykuna kayarqan Simón y wawqin Andrés. Simónpa jukaq jutinmi karqan Pedro.

Lucas 11:49

<.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.

2 Juan 1:1

Tayta Dios akrashqan warmi y wawankuna: Mayor wawqi karmi kay cartata apaykäsimü. Qamkunata lapan shonqüwanmi kuyä. Manami noqalasu kuyä, saypa trukanqa Tayta Diospa wilakuyninta wakin chaskikuqkunapis kuyayäshunkimi.

2 Pedro 1:1

Yärakuq mayïkuna: Noqa Simón Pedro, Jesucristupa sirviqnin y apostolnin karmi, qamkunapaq kay cartata cartakaykämü. Qamkunatapis Jesucristo kuyapäyäshushpaykimi noqakunatano salvayäshushkanki. Payqa Diosninsimi y salvamaqninsimi.

1 Pedro 1:1

Ponto, Galacia, Capadocia, Asia y Bitinia provinciakunacho kaykaq wawqi panikuna: Noqa Pedro, Jesucristupa apostolnin karmi, kay pasacho qorpanöla kayaptiki kay cartata apaykäsimü.

Hebreos 3:1

Wawqi panikuna, gloriaman chäyänaykipaq Tayta Dios qayaykäyäshuptikiqa chaskikushqansi Jesucristo pï kashqantapis shumaq tantiyakuyay. Paymi apostolninsi y mandaq cüransi kaykan.

Efesios 4:11

Paymi wakinta churash apóstol kayänanpaq, wakinta profëta kayänanpaq, wakinta ali wilakuyninta wilakuyänanpaq y wakintana pastor kar yachasikuq kayänanpaq.

1 Corintios 15:7

Santiaguta yuriparkurnami wakin apostolninkunatapis yuriparqan.

Hechos 12:2

Saynölami apóstol Juanpa wawqin Santiagutapis espädawan wanusiyänanpaq mandarqan.

Hechos 3:1

Juk junaqmi malway inti kaykaptin Tayta Diosta manakuyänanpaq Pedruwan Juan templuman aywayarqan.

Hechos 1:26

Sayno manakuskir suertita jitayaptinmi Matíaspaq yarqurqan. Matíaswanmi apostolkuna yapay chunka ishkay kayarqan.

Juan 21:24

Jesús kuyashqan discïpulumi kay libruta qelqash. Lapan qelqashqankuna rasun kaqmi kaykan.

Juan 21:20

Saypitanami tikraykur Jesús kuyashqan kaq discïpuluta Pedro rikarqan. Say discïpulumi Pascua meriendacho Jesúspa läduncho tapurqan mayqan discïpulun contran sharkunanpaq kashqantapis.

Juan 21:2

Saychömi kaykäyarqan Simón Pedro, Milish nishqan Tomás y Natanaelpis. Natanael karqan Galileacho kaykaq Caná markapitami. Saynölami Zebedeupa ishkan surinkuna y mas ishkay discïpulukunapis kaykäyarqan.

Juan 20:2

Sayta rikaykurmi cörrila kutirqan Simón Pedruta y Jesús kuyashqan discïpuluta wilananpaq. Chaykurmi nirqan: <<¡Jesúspa ayantami apakuyash! ¡Manami musyayäsu maypa apakuyashqantapis!>>

Juan 13:23

Say hörami Jesúspa kuyay discïpulun läduncho kaykarqan.

Lucas 22:14

Mikuy höra chämuptinnami apostolninkunawan mësaman Jesús jamakuyarqan.

Lucas 22:8

Saymi Pedruta y Juanta kachashpan Jesús nirqan: <>.

Lucas 9:10

Wilakuyashqanpita apostolkuna kutiykamurmi lapan rurayashqanta Jesústa wilayarqan. Saypitanami paykunata pushakurkur Betsaida marka cercancho kaykaq sunyaqman Jesús aywarqan.

Marcos 13:3

Templu simpan Olivos lömacho kikilankuna jamaykäyashqanchömi Pedro, Santiago, Juan y Andrés Jesústa tapur niyarqan:

Marcos 1:29

Sinagögapita Jesús yarqurnami Santiaguta y Juanta pushakurkur Simónpa y Andréspa wayinman aywayarqan.

Mateo 26:37

Nirkurmi Pedruta y Zebedeupa surinkunata mas washaläman pusharqan. Saychömi seqaypa lakikur

Mateo 20:20

Saypitanami Zebedeupa warmin wawankunata pushakurkur Jesús kaqman charqan. Jesúspa puntanman qonqurpakuykurmi nirqan: <>.

Mateo 17:1

Saypita soqta junaqtami Pedruta, Santiaguta y Santiagupa wawqin Juanta pushakurkur Jesús wisarqan altunnin jirkaman.

Apocalípsis 22:8

Noqa Juanmi saykunata wiyashkä y rikashkä. Saymi lapanta rikasimaq angilpa puntanman adoranäpaq lätakuykurqä.

Apocalípsis 1:1

Kay libruchömi qelqaraykan Jesucristuta Tayta Dios revelashqan. Jesucristumi angilninta kachamur say revelacionta sirviqnin Juanta revelarqan. Sayno revelarmi sirviqninkunata imapis päsananpaqna kaqkunata tantiyasirqan.

3 Juan 1:1

Kuyay wawqi Gayo: Noqa mayor wawqi karmi qamta rasunpaypa kuyar kay cartata cartakamü.

Apocalípsis 18:20

Jana pasacho kaqkuna, ¡kushikuyay! Apostolkuna, profëtakuna y Diosman lapan yärakuqkunapis, ¡kushikuyay! Qamkunata wanusiyäshushqaykipitami Tayta Dios say markata chipyaq ushakäsish.

Marcos 6:30

Wilakuyashqanpita apostolkuna kutiykamurmi lapan rurayashqanta y yachasiyashqanta Jesústa wilapäyarqan.

Juan 6:67

Aywakuyaptinmi chunka ishkay akrashqan kaq discïpulunkunata Jesús tapurqan: <<¿Qamkunapis aywakuytaku munaykäyanki?>>

Juan 6:70

Saymi Jesús nirqan: <<¿Manaku discïpulükuna kayänaykipaq qamkunata chunka ishkayta akrashkä? Sayno kaptinpis juknikiqa diablupa munayninchömi kaykan>>.

Juan 6:71

Jesús sayno nirqan Simónpa surin Judas Iscariotipaqmi. Payqa apostolnin kaykarpis Jesústa wanusiyänanpaqmi rantikurqan.