Mateo 1:2 - Tayta Diospa Wilakuynin

² Abrahampa surinmi karqan Isaac. Isaacpa surinmi karqan Jacob. Jacobpa surinmi karqan Judá y wawqinkunapis.

Mateo 1:2 Referans Kwoze

Hechos 7:8

<

Génesis 25:26

Esaúpa ankunta aptashqami qepanta wawqin yurirqan. Sayno yurishqanpitami jutisiyarqan Jacob jutin kananpaq. Rebeca qeshyakunan wisan Isaac kaykarqan soqta chunka (60) watayuqnami.

Apocalípsis 7:5

Judá trïbupitami chunka ishkay waranqa (12,000) kayarqan. Rubén trïbupitami chunka ishkay waranqa (12,000) kayarqan. Gad trïbupitami chunka ishkay waranqa (12,000) kayarqan.

Hebreos 11:11

Sarapis Tayta Diosman yärakurmi chakwanyashqanyaq qoluq kaykarpis qeshyaq rikakurqan. Pay criyirqan Tayta Dios promitishqanta cumplinanpaq kashqantami.

Isaías 51:2

Yarpäyay unay awiluyki Abrahampaq y Sarapaq. Qayashqä höra paykuna wamraynaqlami kayarqan. Bendicionnïta churaptïmi paypita miraqkuna askaman mirayarqan.

Isaías 41:8

<

1 Crónicas 1:34

Abrahampa surinmi karqan Isaac. Isaacpa surinkunami kayarqan Esaúwan Israel.

1 Crónicas 1:28

Abrahampa surinkunami kayarqan Isaacwan Ismael.

Hebreos 7:14

Señor Jesucristuqa Judá trïbupitami yurish. Say trïbupita cüra kananpaq kaqtaqa Moisés qelqashqan leykunacho manami imatapis ninsu.

Génesis 25:19

Kaychömi qelqaraykan Isaacpa surinkunapita y paykunapita miraqkunapitapis. Isaacqa Abrahampa surinmi karqan.

Números 1:26

Judá trïbupitami kayarqan qanchis chunka chusku waranqa soqta pachak (74,600) runakuna.

Mateo 1:1

Abrahampita y rey Davidpita miraq Jesucristupa unay ayllunkuna kaynömi kayarqan:

Mateo 1:3

Judápa surinkunami kayarqan Fareswan Zara. Paykunapa mamanmi karqan Tamar. Farespa surinmi karqan Esrom. Esrompa surinmi karqan Aram.