Mateo 1:11 - Tayta Diospa Wilakuynin

¹¹ Josíaspa surinmi karqan Jeconías y wawqinkunapis. Jeconías kawashqan wisanmi Israel runakunata Babilonia soldädukuna nacionninman prësu apayarqan.

Mateo 1:11 Referans Kwoze

Daniel 1:2

Tayta Diosmi kachaparirqan rey Joacimta Nabucodonosor prësu sarinanpaq y Diospa templuncho kaykaq wakin manëjukunata apakunanpaq. Saykunatami Babiloniaman apaykur diosninkunapa templuncho kaq almacén cuartuman churarqan.

Jeremías 39:9

Saypitanami wardiakunapa capitannin Nabuzaradán quëdaq runakunata y payman qelikaqkunatapis Babiloniaman apasirqan.

2 Crónicas 36:20

Kawaykar quëdaqkunatanami prësu apakuyarqan Babiloniaman. Saychömi Babilonia runakunapa y surinkunapa ashmayninkuna kayarqan hasta Persia nacionpa mandaqnin rey Babilonia nacionta vincishqanyaq.

2 Crónicas 36:10

Mushuq wata qalaykuptinmi Babiloniapa mandaqnin rey Nabucodonosor Joaquínta Babiloniaman prësu apasirqan. Saynölami Tayta Diospa templunpita mas chaniyuq manëjukunatapis apasirqan. Nirkurnami Judá nacionpa y Jerusalénpa mandaqnin rey kananpaq Joaquínpa tiyun Sedequíasta churarqan.

2 Reyes 25:11

Saypitanami Jerusaléncho quëdaq runakunata Babiloniaman Nabuzaradán prësu aparqan. Saynöpis aparqan Babilonia reypa favornin sharkuq runakunata y nawpata mana apayashqan artesänukunatapis.

2 Reyes 23:31

Joacazqa ishkay chunka kimsa (23) watayuq kaykarmi rey kayman yaykurqan. Payqa kimsa killalami Jerusalénpita mandarqan. Mamanmi karqan Libna markapita Jeremíaspa surin Hamutal.

2 Reyes 24:14

Saynölami rey Nabucodonosorqa Jerusalénpita chunka waranqa (10,000) runakunata Babiloniaman prësu apakurqan. Saynölami prësu apakurqan capitankunata, alinnin soldädukunata, artesänukunata y herrërukunatapis. Pobri runakunalatami saycho kachaykurqan.

Isaías 13:1

Kaychömi qelqaraykan Amóspa surin Isaíasta Tayta Dios revelashqan. Say revelacionchömi rikasirqan shamuq watakunacho Babilonia nación imano kananpaq kashqantapis.

Mateo 1:12

Saychönami Jeconíaspa surin Salatiel yurirqan. Salatielpa surinmi karqan Zorobabel.

Mateo 1:17

Abraham kawashqan wisanpita David yurishqanyaq juk chunka chusku generacionmi karqan. Saynölami David kawashqan wisanpita Israel runakunata Babiloniaman apayashqan wisanyaq juk chunka chusku generación karqan. Saynölami Babiloniaman apayashqan wisanpita Jesucristo yurishqanyaqpis juk chunka chusku generación karqan.