Lucas 7:46 - Tayta Diospa Wilakuynin

⁴⁶ Umämanpis manami aceitita winapämashkankisu. Paymi isanqa chakïman perfümita winapämash.

Lucas 7:46 Referans Kwoze

Salmo 23:5

Chikimaqnïkunapa rikay nawinmi bendicionnikita churamunki. Umäman aceitita winapämaq japuymi kushish chaskimanki. Bendicionnikita jina jina chaskirmi seqaypa kushikü.

Eclesiastés 9:8

Lakikunaykipa trukanqa ali mödanata jatikushpayki perfümita umaykiman winakunki.

Mateo 6:17

Qamkuna ayunayashpaykiqa shumaq paqakuyanki y naqsakuyanki.

Daniel 10:3

Sayno lakikurmi ali mikuyta ni aysatapis mikurqäsu ni vïnutapis upurqäsu ni perfümitapis winakurqäsu.

Salmo 104:15

Saynölami vïnuta kamaripanki upur kushikunanpaq, aceitita kamaripanki qaqlanman lushikur chipipïnanpaq y mikuytapis kamaripanki kalpan kananpaq.

2 Samuel 14:2

Saymi Davidta awnisinanpaq Tecoa markapita astüta warmita qayaykasimur nirqan: <

Rut 3:3

Qampis armakuskir alinnin kaq mödanaykita jatikuskir y perfümita winakuskir ayway. Chaykurna pakaranki mikuyta upuyta ushashqanyaq.

Miqueas 6:15

Mururpis manami cosechayankisu. Aceitünasta aqayaptikipis lushikuyänaykipaq aceiti manami kanqasu. Üvata jaruyaptikipis vïnuta upuyänaykipaq manami kanqasu.

Amós 6:6

Jatusaq väsukunawanraqmi vïnutapis upyaykäyanki. Alinnin perfümikunataraqmi winakuykäyanki. Qamkunata manami imapis qokuyäshunkisu Israel nación ushakäsish kananpaq kaptinpis.

2 Samuel 12:20

Saymi pampacho jitaraykashqanpita David sharkushpan armakuskir y perfümita winakuskir mödananta trukakurqan. Nirkurmi Tayta Diospa wayinman aywarqan adoraq. Wayinman kutiykurnami mikuyta manakurir mikurqan.

Lucas 7:47

Saymi nï: Kay warmiqa aska jusankunata perdonaptïmi fiyupa kuyamar sayno rurash. Wakinmi isanqa jusaynaq kayashqanta yarpar janan shonqula kuyayäman>>.