Lucas 6:25 - Tayta Diospa Wilakuynin

²⁵ <<¡Wawalaw, pacha junta kawaqkuna! Qamkuna malaqäyankimi. <<¡Wawalaw, kay pasacho kushishla kawaqkuna! Qamkuna fiyupa lakikurmi waqayanki.

Lucas 6:25 Referans Kwoze

Isaías 65:13

Saymi Tayta Dios nin: <

Santiago 4:9

Jusalikuyashqaykipita seqaypa lakikur waqayay. Asikuyänaykipa trukanqa waqayay. Kushikuyänaykipa trukanqa lakikuyay.

Proverbios 14:13

Wakinqa asikurpis shonqunchöqa lakishqami kaykan. Saymi kushikuskirpis waqayman churakan.

Apocalípsis 3:17

<

1 Tesalonicenses 5:3

Imapis mana päsananpaq kashqanta runakuna niyaptinpis warmita qeshyakuy nanay elaqpita sarishqannömi Tayta Diospa castïgun elaqpita chämunqa. Say castïgupita manami pipis qeshpinqasu.

Efesios 5:4

Lutankunata, manakaqkunata ni lutan yarpayman apakuq bujunädakunatapis ama parlayaysu. Saypa trukanqa imapitapis Tayta Diosta agradëcikuyay.

Lucas 13:28

<

Lucas 12:20

Sayno yarpachakuykaptinshi Tayta Dios ninaq: <¡Mana ali yarpayyuq runa! ¡Kanan sakaymi wanunki! Lapan pirwakushqayki ¿pipaqraq kanqa?> >>

Lucas 8:53

Sayno niptinmi wanush kaykashqanta musyar Jesústa asipäyarqan.

Nahum 1:10

Shatayash shirakata y saki oqshata nina rupar ushaqnömi ushakäsinqa.

Amós 8:10

Fiestata rurayänaykipa trukan imaypis waqalarmi kayanki. Cantarpis waqay waqaylatami cantayanki. Lütu mödanaykikuna jatishlami puriyankipis. Lakikuyashpaykimi umaykikunatapis qara putuypa rutukuyanki. Juklayla suriki wanuykuptin waqayashqaykinömi pasaypa lakikur waqayanki. Ima rurayashqaykipis manami shonquykikunapaqsu kanqa>>.

Isaías 28:7

Kananqa cürakunapis profëtakunapis vïnuta y imayka shinkäsikuqkunata upyakurkurmi sankapaykachaykäyan. Shinkash kayashpanmi Diospa wilakuyninta wilakuyänanpaqpis musyayansu. Shumaq juzgaytapis kamäpakuyansu.

Isaías 9:20

20 (19) Aluqnincho tariyashqanta mikurpis jinalami malaqaykäyanqa. Isuqnincho tariyashqanta mikuyaptinpis manami pachankuna juntanqasu. Surinkunatapis mana kuyapaypami mikuyanqa.

Isaías 8:21

Paykunaqa lakish y mikanaykarmi maypapis puriyanqa. Malaqaywan fiyupa rabyanäyashpanmi mandaqnin reyta maldicionayanqa. Saynölami jana pasapa rikärir Tayta Diostapis maldicionayanqa.

Eclesiastés 7:6

Mana tantiyakuq runaqa shiraka rupar pashtaqnömi lutala imapitapis asikun. Sayno kashqanpis manakaqlapaqmi kaykan.

Eclesiastés 7:3

Asikushqansipitaqa mas ali kaykan waqashqansimi. Lakikur qaqlansi jukniraqyaptinpis shonqunsichömi shumaq kawanansipaq yarpachakunsi.

Eclesiastés 2:2

Saymi kushikushqäpis y gustüta rurashqäpis manakaqlapaq kashqanta tantiyakushkä.

Proverbios 30:9

Poquq karqa capazchir qamta qonqarpis qonqayküman. Pishïpakur suwakushpä penqaymanpis churaykümanchi.

Salmo 49:19

19 (20) paypaqpis wanuy chämunqami. Saypitaqa manami asikyay pasata rikanqanasu.

1 Samuel 2:5

Rïcukunatami juk tantalapaq arupakuyänanpaq muchuqyäsin. Mikanaqkunataqa pacha junta kayänanpaqmi kamaripan. Qoluq warmikunatapis qanchis olqu wawayuq kayänanpaqmi yanapan. Aska wawayuqkunataqa japalan rikakuyänanpaqmi wawankunata elaqäsin.

Lucas 6:24

<<¡Wawalaw, rïcukuna! Qamkunaqa kay pasalachömi kushikuykäyanki.

Lucas 6:26

<<¡Wawalaw, lapan runakunapita alabash kaqkuna! Qamkunatanölami lula profëtakunatapis unay aylluykikuna alabayarqan.