44 Mikuskirnami nirqan: <>.
Davidpita miraqkunata y Jerusaléncho taqkunatami tantiyasishaq kuyapäkuq kayänanpaq y imay hörapis manakayämänanpaq. Tuksiyämashqanta rikarmi waqayanqa. Qechpa surin wanuykuptin waqaqnöraqmi makintapis pakipaylaparaq waqayanqa.
<<¡Sión runakuna, seqaypa kushikuyay! ¡Jerusalén runakuna, kushikur cantayay! Rikayay mandaqniki rey shamuykaqta. Paymi alilata ruraq salvashuqniki kaykan. Humildi karmi ashnun loqash shamuykan. Malta ashnun loqashqami shamuykan.
Tayta Dios cumplish. Sayno cumplirqan Jesucristuta kawarisimurmi. Ishkay kaq salmuchöpis Jesucristupaq kaynömi qelqaraykan: << .
Nirkurmi nirqan: <>.
Saymi kikin Tayta Dios señalta rikasiyäshunki. Juk doncëlla jipashmi qeshyaq rikakur olqu wamrata qeshyakunqa. Say wamrapa jutintami churapanqa Emanuel jutin kananpaq.
Sayno nimaptinmi angilta adoranäpaq lätakuykurqä. Saymi nimarqan: <<¡Noqata ama adoramaysu! Noqapis qamnöla y yärakuq mayikikunanölami Tayta Diospa sirviqnin kaykä. ¡Tayta Dioslata adorayqa! Lapan wilakushqäpis Jesucristo alabash kananpaqmi kaykan>>.
Moisés qelqashqan leykunaqa manami mushuq pactunösu kaykan, sinöqa mushuq pactupa lantuyninnölami. Saymi say leykuna nishqanno wata wata uywakunata altarcho rupasiyaptinpis runakunapa shonqunkuna Tayta Dios munashqannösu karqan.
Moisés qelqashqankuna noqapitami qelqaraykan. Saymi pay qelqashqankunata criyirqa noqa nishqäkunatapis criyiyankiman.
<
6 (5) Tayta Dios sayno salvamäshun juk wamra yuriptinmi. Paymi yurinqa winarkur mandamaqninsi kananpaq. Paypa jutinmi kanqa Admiraypaq Tantiyasimaqninsi, Contrankunata Vinciq Dios, Imayyaqpis Kawaq Taytansi y Ali Kawayta Qomaqninsi.
Makincho sararämaqninsi Tayta Diosmi nin: <
Wayi sharkasiqkuna <> nir jitariyashqanmi wayi esquïnan cimientuchöna churaraykan.
Lapanta mandaq Tayta Diosmi nin: <
Saypitaraqmi Israel runakuna perdonta manakur Tayta Diosta ashiyanqa. Saynölami David ayllu mandaqnin reytapis cäsukuyanqa. Shamuq watakunachömi Tayta Diosta mansapakur bendicionninta kushish chaskikuyanqa.
<<
Sirviqninpaqmi Tayta Dios nin: <
Qampita miraqpitami kay pasacho pïmay runakunapis bendicionta chaskiyanqa. Sayno kanqa nishqäta cäsukamashqaykipitami> >>.
Lugar Santïsimuman mandaq cürala yaykuptinmi Espíritu Santu tantiyasimansi Sagrädu Toldu kashqanyaqqa Tayta Diospa nawpanman mana chänansipaq kashqanta.
Say junaqmi Jerusalén simpan inti jeqamunan kaqlä Olivos lömacho Tayta Dios ichinqa. Saycho ichiptinmi Olivos löma ishkayman partikanqa. Partikaptinmi jatunkaray raqra rikakunqa inti jeqamunanpita hasta inti jeqananyaq. Pulan lömami norti kaqläpa rakikanqa y pulan kaqnami sur kaqläpa rakikanqa.
Tayta Diosmi nin: <
Tayta Dios nirqan: <>.
Kananpitaqa warmiwan fiyupami chikinakuyanki. Saynölami warmipita yuriqpis qampita miraqkunata rikaytapis munanqasu. Warmipita yuriqtami talonnincho picanki. Paymi isanqa umaykita shalunqa>>.
Sunyaq jirkacho broncipita fundish culebrata qeruman Moisés joqarishqannömi Runapa Surintapis joqariyanqa.
nirqan: <
Judá ayllulapitami reykuna imaypis kayanqa. Manami pipis munayyuq rey kayninta qechunqasu. Sayno kanqa lapanpaq munayyuq kaq rey chämushqanyaqmi. Say reytami maysay nación runakunapis cäsukuyanqa.
Saymi Salem markapa mandaqnin rey Melquisedecpis sayman chaykur tantatawan vïnuta Abramta qararqan. Melquisedecqa poderyuq Tayta Diosta sirviq cürami karqan.
Melquisedec karqan Salem markapa mandaqnin rey y poderyuq Tayta Diosta sirviq cürami. Guërracho reykunata vincishqanpita Abraham kutiykämuptinmi Melquisedec taripar Abrahamta bendicionta qoshpan Tayta Diosta manakurqan.
Tayta Diospa wayinta Moisés ali rikarpis ashmaynölami karqan. Sayno karmi shamuq watakunacho Tayta Dios tantiyasimänansipaq kaqkunata qelqarqan.
<.
Noqa kaynömi nï: Tayta Diospa palabrancho noqapaq kayno nirmi qelqaraykan: . Say qelqaraykashqannölami noqata päsamanqa>>.
Say junaqkuna fiyupa castïgu kaptinmi Tayta Diospa palabrancho qelqaraykaqkuna lapanpis cumplikanqa.
<>.
Isanqa prësu sariykäyämanki profëtakuna qelqayashqan cumplikänanpaqmi>>. Jesústa prësu sariyaptinnami discïpulunkuna kachaykur qeshpir aywakuyarqan.
Sayno manakuptïqa ¿imanöparaq cumplikanqa runakuna wanusiyämänanpaq Tayta Diospa palabran nishqanpis?>>
Saypitanami discïpulunkunata Jesús wilapar nirqan: <>.
Sayno wilakuyänanpaqmi Jesucristupa Espïritun paykunata tantiyasirqan Cristo nakar wanunanpaq kashqanta y kawarirkamur lapanpaq munayyuq kananpaq kashqanta. Sayno tantiyasiptinmi profëtakuna musyayta munayarqan Cristo pï kashqanta y imay shamunanpaq kashqantapis.
Sayno kaptinpis profëtankunawanmi Tayta Dios musyasimarqansi Cristuta wanusiyänanpaq kashqanta. Saytami Tayta Dios cumplish.
Discïpulunkunata yachasirmi Jesús nirqan: <>.
Lapanpis sayno päsarqan profëtanwan Tayta Dios kayno nishqan cumplikänanpaqmi:
Wanushkuna pamparashqanchöqa manami kachaykamankipaqsu. Santu sirviqniki kaptïmi sepultüracho ayä ismunantapis munankipaqsu.
Cuidä profëtakuna qelqayashqancho nishqanno qamkunatapis päsayäshunkiman.
