Lucas 23:26 - Tayta Diospa Wilakuynin

²⁶ Jesústa crucificayänanpaq apaykäyaptinmi chakrapita kutiykämurqan Simón jutiyuq runa. Payqa Cirene nacionpitami karqan. Paytami niyarqan Jesús apaykashqan cruzta umrurkur Jesúspa qepanpa apananpaq.

Lucas 23:26 Referans Kwoze

Hechos 6:9

Paywanmi Librina niyashqan sinagögacho shuntakaq wakin Israel runakuna rimanakuyta qalaykuyarqan. Say runakuna kayarqan Cirene nacionpita, Alejandría markapita, Cilicia provinciapita y Asia provinciapita.

Hechos 6:6

Nirkurmi say akrayashqan wawqikunapa umankunaman makinta churaykur apostolkuna Tayta Diosta manakuyarqan.

Hechos 2:10

Frigiapita, Panfiliapita, Egiptupita, Libiacho kaq Cirenipa nawpankunapita y Romapitapis.

Lucas 14:27

Cruzninta apaqno mana qatirämarqa manami discïpulü kayanmansu.

Lucas 9:23

Nirkurmi lapan runakunata nirqan: <

Hechos 13:1

Antioquía iglesiachömi kayarqan profëtakuna y yachasikuqkuna. Paykunami kayarqan Bernabé, Yana Runa niyashqan Simón, Cirenipita kaq Lucio, Manaén y Saulupis. Manaéntawan rey Herodesta wamra kaptin say wayilachömi ashmayarqan.

Lucas 23:25

Gobiernupa contran sharkush kaykaptinpis y wanusikuq kaykaptinpis runakuna munayashqannölami Barrabásta kacharirqan. Jesústami isanqa wanusiyänanpaq paykunapa makinman kachaykurqan.

Mateo 5:41

Qepinta juk lëwayaq apapäyänaykipaq obligayäshuptikiqa ishkay lëwayaqpis apapariyanki.