Lucas 22:4 - Tayta Diospa Wilakuynin

⁴ Paymi mandaq cürakunaman y templu täpaq wardiakunapa capitanninkunaman aywaykur nirqan Jesústa imanöpa reqisinanpaqpis.

Lucas 22:4 Referans Kwoze

Hechos 5:24

Sayta wiyaykurmi [mas mandaq cüra,] templucho wardiakunapa capitannin y wakin mandaq cürakunapis yarpachakuyarqan: <<¿Imanöparaq qeshpiskiyash? ¿Imaraq päsash?>> niyashpan.

Hechos 4:1

Pedruwan Juan wilakuykäyaptinmi cürakuna, saduceukuna y templu täpaq wardiakunapa capitanninpis chäyarqan.

Hechos 5:26

Sayno niptinmi wardiakunata pushakurkur capitán aywarqan apostolkunata prësu sariyänanpaq. Chaykurmi runakuna samqayänanta mansakuyashpan mana maqaylapa prësu apayarqan.

Lucas 22:52

Jesústa prësu apayänanpaq shamuqkuna kayarqan mandaq cürakuna, templu täpaq wardiakunapa capitanninkuna y Israel mayor runakunapis. Paykunatami Jesús nirqan: <<¿Imanirtaq suwamannöpis espädaykikunawan y garrutikikunawan shayämushkanki?

Mateo 26:14

Jesúspa apostolnin Judas Iscariotimi mandaq cürakunaman aywaykur

1 Crónicas 9:11

y templucho mandaq Azarías. Azaríasmi karqan Hilcíaspa surin. Hilcíasmi karqan Mesulampa surin, Sadocpa wilkan, Meraiotpa shurukta wilkan y Ahitobpa wilkanpa wilkan.

Nehemías 11:11

y Seraías. Seraías karqan Hilcíaspa surinmi. Hilcías karqan Mesulampa surinmi. Mesulam karqan Sadocpa surinmi. Sadoc karqan Meraiotpa surinmi. Meraiot karqan Ahitobpa surinmi. Ahitobqa karqan mandaq cürami.

Lucas 22:5

Sayno niptinmi kushikuyashpan pägayänanpaq niyarqan.