Lucas 19:42 - Tayta Diospa Wilakuynin

⁴² nirqan: <<¡Ima aliraq kaykunman Tayta Dioswan ali kawayänaykipaq kaqta kanan junaqlapis tantiyakuyaptiki! ¡Sayno kaykaptinpis manami tantiyayankisu!

Lucas 19:42 Referans Kwoze

Deuteronomio 32:29

Kanan nishqäkunata ojalä tantiyakuyanman. Ushakäyänanpaq kashqanta cuentata qokuyaptin alimi kanman.

Hebreos 3:15

Tayta Diospa palabranchömi nin: <>.

Isaías 48:18

Mandamientükunata wiyakurqa jawkalami kawayankiman karqan. Ali kawayashqaykiqa mayu mana sakiypa aywaqnömi kanman karqan. Lamar pulchaqyashqan qatinaylanpa aywaqnömi alilata imaypis rurayankiman karqan.

Hechos 10:36

Sayno kuyapämashpansimi Jesucristo kayninpa perdonamansi paywan ali kawanansipaq. Jesucristuqa lapanpapis Señorninmi kaykan. Say ali wilakuytami Israel runakunata Tayta Dios musyasirqan.

Isaías 55:6

Kawayashqaykiyaq Tayta Diosta ashiyay. Kuyapaykäyäshushqaykiyaq ruwakuyay.

Hebreos 3:13

Saypa trukanqa waran waran jukniki juknikipis shakyäsinakuyay Tayta Dios munashqanno kawayänaykipaq. Saynöpami jusalikuy mana engañayäshuptiki shonquykikuna chukruyanqasu.

Lucas 19:44

Wayikunatapis juchusirmi wamraykikunatawan wanusiyäshunki. Manami ni juk rumilapis perqaranqanasu. Sayno kanqa Tayta Dios watukaykäshuptikipis mana chaskikuyashqaykipitami>>.

Hechos 13:46

Saymi Pabluwan Bernabé mana mansariypa niyarqan: <

Ezequiel 33:11

<

Isaías 44:18

Say runakunaqa manami musyayansu ni cuentatapis qokuyansu. Imayka nawin wichqashno kayashpanmi tantiyakuyansu manakaqta ruraykäyashqanta.

Hebreos 3:7

Saymi Espíritu Santu kayno nishqanta shumaq tantiyakunansi: <

Salmo 81:13

13 (14) Kuyashqä runakuna, ¡ima aliraq kanman wiyakayämaptiki! Israel runakuna, ¡ima aliraq kanman cäsukayämaptiki!

Salmo 32:6

Qamman yärakamuqkunaqa nakayashqan höra imaypis manakayämushunkimi. Saynöpami bunyaypa bunyar yaku aywaqno nakaykuna chashpanpis paykunata ushakäsinqasu.

Deuteronomio 5:29

Alimi kanman kanan yarpäyashqannöla imayyaqpis mansapakamar mandamientükunata waran waran cumpliyaptin. Cumpliyashpan kikinkunapis surinkunapis kushishqami kawayanqa.

Jeremías 13:17

Mana wiyakuyaptikiqa qamkunapaq pakaylapami waqashaq. Tayta Dios kuyashqan runakuna kayaptikipis prësu apakuyäshuptiki lakikushpä fiyupami waqashaq.

Lucas 19:41

Jerusalénman chaykashqanchömi markata rikärishpan Jesús waqar

Lucas 19:43

Saymi nakayänaykipaq kaq junaqkuna chämunqa. Say junaqkunami marka murällaykikuna waqtanman alpata qotur chikishuqnikikuna jiruruypa atacayäshunki.