Lucas 16:17 - Tayta Diospa Wilakuynin

¹⁷ Isanqa jana pasawan kay pasa ushakaptinpis leyninkunacho nishqankunataqa Tayta Dios lapantami cumplinqa.

Lucas 16:17 Referans Kwoze

Mateo 5:18

Rasunpami nï: Jana pasapis ni kay pasapis manaraq ushakaptinqa manami ni juk letralapis Diospa leyninpita elaqanqasu. Saycho qelqaraqkuna lapanmi cumplikanqa.

Lucas 21:33

Jana pasa y kay pasa ushakaptinpis noqa nishqäkuna manami ushakanqasu.

1 Pedro 1:25

Tayta Diospa palabranmi isanqa imayyaqpis kaykanqa>>. Say palabratami Jesucristupa wilakuqninkuna wilapäyäshushkanki.

Isaías 40:8

Qewapis sakinmi y waytapis shushunmi. Tayta Diosninsipa palabranmi isanqa imayyaqpis kaykanqa>>.

Romanos 3:31

Jesucristuman yärakuylapa salvacionta tarirqa ¿manakaqmansuraq Diospa leyninkunata churaykansi? Manami manakaqmansu churaykansi, saypa trukanqa Jesucristuman yärakushqami say leykunata cumpliqtano Tayta Dios chaskimansi.

Isaías 51:6

Jana pasata rikärir yarpachakuyay. Kay pasata rikar tantiyakuyay. Jana pasaqa qoshtaynölami elaqanqa. Kay pasapis mödana ushakaqnölami ushakanqa. Saynölami runakunapis chushpinöla ushakäyanqa. Salvacionnïmi isanqa imaypis ushakanqasu. Munashqäqa imaypis rurakanqami.

Apocalípsis 21:4

Paykunata shoqashpanmi weqinkunatapis pisapanqa. Wanuypis, waqaypis, lakikuypis y nakaykunapis manami kanqanasu. Saykunaqa lapanmi ushakanqa>>.

Apocalípsis 21:1

Saypitanami mushuq pasatawan mushuq ciëluta rikarqä. Nawpa kaq ciëlupis y nawpa kaq pasapis manami karqannasu. Lamarpis mananami karqannasu.

Apocalípsis 20:11

Saypitanami rikarqä jatunkaray yuraq trönuncho Tayta Dios jamaraykaqta. Paypa nawpanpitami kay pasapis y jana pasapis elaqaskiyarqan. Mananami mas rikakäyarqannasu.

2 Pedro 3:10

[Sakaypa] elaqpita suwa shamushqannömi Señor Jesucristupis elaqpita shamunqa. Pay shamuptinmi intipis, killapis y lapan qoyllarkunapis mansariypaq bunrurur ninawan rupaykar ushakäyanqa. Saynölami kay pasapis y kay pasacho kaqkunapis rupaykälar chipyaq ushakanqa.