9 Saycho jamayaptikiqa qayasiyäshuqnikimi niyäshunki: . Sayno niyäshuptikimi penqaytukush qepaman aywar jamakuyanki.
Runa tukuqtaqa desgraciami päsanqa. Orgullösuqa fracasanqami.
Orgullösu runaqa mana ali rikashqami kaykan. Humildi runaqa shumaqmi tantiyakun.
Tantiyakuq runakunataqa pïmaypis respitayanmi. Mana tantiyakuq runakunatami isanqa pipis respitansu.
Jusaykikunata rasunpaypa wanakush karqa Tayta Dios munashqannöna kawayay. Ama yarpäyaysu Abrahampa ayllun kayashqaykipita Tayta Dios salvayäshunaykipaq kashqanta. Noqa kaynömi nï: Tayta Dios munarqa kay rumikunatapis Abraham ayllu runakunaman tikrarasinmanmi.
Sayno niptinmi chikiqninkuna pukayayparaq penqakuyarqan. Wakin runakunami isanqa Jesús admiraypaq rurashqankunata rikar kushikuyarqan.
