Lucas 13:19 - Tayta Diospa Wilakuynin

¹⁹ Tayta Dios mandaykashqanqa ñäbus muruta juk runa chakranman murushqannömi kaykan. Winamur jatunyaptinmi rämankunacho pishqukunapis qeshunkunata rurayan>>.

Lucas 13:19 Referans Kwoze

Daniel 4:12

12 (9) Say jachapaqa raprankunapis kuyaylapaqmi kash. Lapan runakuna mikuyänanpaqmi wayuyninpis saysika kash. Lapan jirka uywakunapis jachapa chakinchömi lantukuyash. Saynölami rämankunachöpis pishqukuna qeshunkunata rurayash. Say jachapa wayuynintami lapan uywakunapis mikuyash.

Hechos 4:4

Sayno kaptinpis Pedruwan Juan wilakuyashqanta wiyar askaqmi criyiyarqan. Say criyiqkuna kayarqan pisqa waranqanömi (5,000).

Hechos 2:41

Pedro nishqanta chaskikuqkuna kimsa waranqanömi (3,000) kayarqan. Bautizakuyashpanmi Jesucristuman yärakuqkunaman yapakuyarqan.

Zacarías 2:11

11 (15) Say wisanmi aska nación runakuna sirviyämanqa. Kuyashqä runakuna kayaptinmi noqaqa paykunawan imaypis kaykäshaq>>. Say nishqannöla päsaptinmi musyayankipaq lapanta mandaq Tayta Dios qamkunaman kachamashqanta.

Ezequiel 31:6

Rämankunachömi imaykaläya pishqukunapis qeshunta rurakuyaq. Chakinchömi tukuy casta uywakunapis wachayaq. Lantuyninchömi maysay nación runakunapis täyaq.

Isaías 9:7

7 (6) Rey David jamashqan trönuman jamaykurmi imayyaqpis mandamäshun. Munaynincho kashpansimi imaypis ali kawashun. Tayta Dios munashqannöla mandarmi ali kaqlata imaypis ruranqa. Lapanta mandaq Tayta Dios kuyamashpansimi sayno kananpaq kamakäsinqa.

Hechos 21:20

Sayta wiyaykurmi Tayta Diosta kushish agradëcikuyarqan. Nirkurmi Pabluta wilar niyarqan: <

Mateo 17:20

Saymi Jesús nirqan: <

Isaías 58:11

Noqami uysha misiqno imaypis ali rikayäshayki. Imata nistäyashqaykitapis kamaripäyäshaykimi. Kalpaykikuna kananpaqpis yanapäyäshaykimi. Saynöpis ali parqush huertano y imaypis mana sakiq nawin pukyunömi kayanki.

Isaías 53:10

Sayno nakanantami Tayta Dios munarqan. Consagrasina sacrificiuno wanuptinmi miraqninkuna saysikaq kayanqa. Nirkur aska watami kawanqa. Pay kayninpami Tayta Dios munashqanno lapanpis kamakanqa.

Cantares 6:2

Kuyaynïqa huertanmanmi urash. Mushkuraykaq wayta huertanmanmi yaykush. Huertakuna kaqcho mikunanpaqmi aywash. Saychömi liriu waytakunata palanqa.

Apocalípsis 11:15

Qanchis kaq ángel cornëtata tukamuptinmi jana pasacho angilkuna sinchipa kayno niyämushqan wiyakämurqan: <<¡Lapan nacionkunapis Señorninsi Tayta Diospa y Cristupa makinchönami kaykäyan! ¡Paymi imayyaqpis rey kanqa!>>

Romanos 15:19

Espíritu Santupa munayninwan milagrukunata rurarmi Jerusalénpita qalaykur hasta Ilírico provinciayaq Jesucristupa wilakuyninta chäsishkä.

Jeremías 31:12

Kutiykamurmi Sión lömaman wisarkur kushish cantayanqa. Bendicionnïwanmi mikuypis, vïnupis, aceitipis, uyshapis, wäkapis saysika kanqa. Täyashqan parti parquna huertano kaptinmi imapis pishinqanasu.

Isaías 61:11

Maysay nacionchöpis alilatana rurar payta alabayänanpaqmi Tayta Dios kamakäsinqa. Qewata jeqasimushqanno y huertacho plantata sheqlisimushqannömi salvacionta chäsimunqa.

Isaías 53:1

Wilakuyashqäta ¿piraq chaskikush? Tayta Dios imano salvamashqansita musyasiptinpis ¿piraq tantiyakush?

Cantares 8:13

Huertakunacho jamakuq reina, amïgükuna maya mayalami kaykäyan parlashqaykita wiyayänanpaq. Noqapis wiyanäpaq imalatapis parlarkalämuy.

Cantares 4:16

¡Wisaypa aywaq wayra, shumaq wayrämuy! ¡Uraypa aywaq wayra, shumaq wayrämuy! ¡Huertäman wayrämushpayki kuyaylapaq mushkuyninta kuyaynïman apaykuy! ¡Kuyaynïqa huertanman shamuykusun! ¡Mishkiq frütakunapa wayuyninta saycho mikusun!

Cantares 4:12

Kuyay warmilä, intërunpa qenchash huertami kaykanki. Shumaq sapash yaku pözumi kaykanki.

Lucas 17:6

Saymi Señor Jesús nirqan: <<Ñäbuspa murunno ichiklapis yärakuyniki kaptinqa kay sicómoro jachata niyaptikipis nishqaykinömi kanman>>.

Marcos 4:30

Mastapis Jesús nirqan: <