Lucas 11:36 - Tayta Diospa Wilakuynin

³⁶ Yanqalapis shonquykikunacho sakay ama kasunsu. Shonquykikunacho aksila kaptinqa lapan rurayashqaykikunapis runakuna rikakuyänanpaqmi kanqa. Aksi asikyaqnömi qamkunapis ali kawayanki>>.

Lucas 11:36 Referans Kwoze

Proverbios 20:27

Runapa shonqun alita o mana alita yarpashqantapis Tayta Dios musyanmi.

Proverbios 6:23

Yäsikuykunaqa sariraykaq mechëruno y yachasikuykunaqa aksinömi kaykan. Tantiyasikuykuna y anyapäkuykunaqa ali kawaymanmi apan.

2 Corintios 4:6

Sayno kaykäyä chipipiykaq aksitano ali wilakuyninta shonqükunaman Tayta Dios churamush kaptinmi. Sayno churamush kay pasata kamar sakaycho asikyay kananpaq nishqannölami. Saymi Tayta Dios imano kashqantapis Jesucristucho shumaq tantiyaykäyä.

2 Pedro 3:18

Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.

Colosenses 3:16

Jesucristupa ali wilakuyninta imaypis yarparäyay. Say wilakuyninta shumaq tantiyakur yachasinakuyay y cäsukuyänaykipaq shakyäsinakuyay. Salmukunata, himnukunata y cörukunata cantar Tayta Diosta lapan shonquykikunawan agradëcikur alabayay.

Proverbios 1:5

Tantiyakuq runaqa kay proverbiukunata chaskikunmi. Saynöpami mas tantiyakuq y yachaq rikakun.

Santiago 1:25

Tayta Diospa wilakuyninta mana qonqaypa cäsukurmi isanqa espëjucho rikakur qaqlan imano kashqanta mana qonqaqno kaykan. Sayno kawaqtaqa Tayta Dios imachöpis yanapanqami.

Hebreos 5:14

Qamkunaqa mikuyta mikuqnöna kayankiman. Sayno karqa ali kaqta y mana ali kaqta tantiyarmi Tayta Dios munashqanno kawayankiman.

Efesios 4:14

Sayno kawar manami pishi wamranönasu kashun pipis manakaqkunata yachasir lutankunata criyisimänansipaq. Saynöpis manami punshata wayra wakman kayman apashqannönasu kashun.

Mateo 13:52

Saymi Jesús nirqan: <>.

Oseas 6:3

¡Tayta Diosman imanöpapis kutishun! Pasa waraptin inti jeqamunanpaq kashqanta musyashqansinömi kuyapämänansipaq kashqantapis musyansi. Usya tiempu päsaptin tamya qalaykunanpaq kashqanta musyashqansinömi yanapämänansipaq kashqantapis musyansi.

Isaías 42:16

<

Isaías 8:20

¡Tayta Diospa leyninkuna y yachasikuyninkuna imata nishqantapis yarpäyay! Runakuna niyäshushqaykiman Tayta Dios nishqankuna mana tinkuptinmi musyayanki say nishuqnikikuna imatapis mana tantiyaq kaykäyashqanta.

Mateo 5:15

Manami pipis aksita sarirkasir cajón rurinman churansu, saypa trukanqa wayicho lapanta asikyapänanpaqmi alayrinninman churan.

Lucas 11:35

<

Lucas 11:37

Jesús parlayta ushaskiptinnami juk fariseo runa pusharqan wayincho mikuyänanpaq. Chaykurmi mësaman Jesús jamakurqan.