Levítico 5:10 - Tayta Diospa Wilakuynin

¹⁰ Jukaq palumata o kulkushtami isanqa rupasina sacrificiupaq Tayta Dios nishqanno cüra rupasinqa. Saynöpami say runa impüru kashqanpita purificash kanqa.

Levítico 5:10 Referans Kwoze

Levítico 4:26

Jawka kawakuy sacrificiuta rupasir uywapa wiranta rupasishqannölami lapan wiranta altarcho rupasinqa. Cüra sayno ruraptinmi say autoridä jusayuq kashqanpita purificash kar perdonash kanqa.

Levítico 4:20

Sayno rupasinqa mandaq cüra jusayuq kashqanpita turïtupa wiranta altarcho rupasishqannölami. Sayno rupasiptinmi Israel runakuna jusayuq kayashqanpita purificash kar perdonash kayanqa.

1 Juan 2:2

Paymi sacrificiu kash jusansikunata Tayta Dios perdonamänansipaq. Manami noqalansi perdonash kanansipaqsu wanurqan, sinöqa maysaychöpis runakuna perdonash kayänanpaqmi.

Santiago 5:15

Lapan shonqunwan yärakur manakuyaptinqa Tayta Dios aliyäsiyäshunkimi. Jusalikush kayaptikipis perdonayäshunkimi.

Efesios 5:2

Jesucristo kuyakuq kashqanno qamkunapis kuyakuq kayay. Kuyakuq karmi noqansi rayku wanur Tayta Diospaq mushkuq sacrificiuno kash.

Romanos 5:11

Saypis manami saylasu, sinöqa Señorninsi Jesucristo wanuyninpa perdonashna karmi Tayta Diosta kushish alabaykansi.

Levítico 5:16

Saynöpis Tayta Diospaq sagrädu kaqta mana respitashqanpita preciunta päganqa. Say jananman quinta parti masta cürata päganqa. Apamushqan carnita consagrasina sacrificiupaq altarcho cüra rupasiptinnami perdonash kanqa.

Levítico 5:13

Cüra sayno ruraptinmi say runa impüru kashqanpita purificash kanqa. Mana rupasishqan saki mikuy ofrenda cürapaq kashqannömi pusuq kaq jarinapis cürapaqna kanqa> >>.

Levítico 4:35

Jawka kawakuy sacrificiuta rupasir uyshapa wiranta rupasishqannölami lapan wiranta altarcho rupasinqa. Sayno rupasinqa Tayta Diosta adorar wakin sacrificiukunata rupaykäsishqan jananmanmi. Cüra sayno ruraptinraqmi uywata apamuq runa jusayuq kashqanpita purificash kar perdonash kanqa.

Levítico 4:31

Nirkurnami jawka kawakuy sacrificiuta rupasinanpaq uywata pishtar wiranta jorqushqanno cabrapa lapan wirantapis jorqunqa. Sayta altarcho cüra rupasiptin mushkuyninmi Tayta Diospa shonqunpaqno kanqa. Saynöpami say runa jusayuq kashqanpita purificash kar perdonash kanqa.

Levítico 5:6

Nirkur jusayuq kashqanpita purificash kananpaq Tayta Diospa nawpanman apamunqa china uyshata karpis o china cabrata karpis. Sayta altarcho cüra rupasiptinmi purificash rikakunqa.