1 <<
<<
. Saymi lapan runakuna niyanqa: <¡Niyashqaykino kasun!>
saycho taykaq runakunata lapanta qarquyanki. Rumipita rurash kaptinpis o fiërrupita fundish kaptinpis ïdulunkunata pakir ushayanki. Ïdulunkunata adorayänan altarkunatapis chipyaq juchusiyanki.
Paykuna jusalikuyaptinpis qamkunaqa ama jusalikuyankisu. Yärakuyashqan dioskunamanpis ama qonqurpakuyankisu ni sirviyankisu. Adorayashqan wankakunatapis y lapan ïdulunkunatapis shalur ushakäsiyanki.
Adorayänaykipaq ima diostapis qoripita ni qellaypita ama rurayankisu.
Say markaman manami yaykuyanqasu luta kawakuqkuna, brüjukuna, fornicación jusata jusalikuqkuna, runa mayinta wanusiqkuna, ïdulukunata adoraqkuna y lapan lulakuqkunapis.
<
Say junaq qoripita qellaypita rurayashqan ïdulunkunata manana adorarmi ukushkuna y siksikuna täkuyänan uchkukunaman jitaykuyanqa.
Lapan dioskunapis Tayta Diospa nawpanmanmi qonqurpakuyan. Saymi ïdulukunata adoraqkuna penqaytukush quëdayanqa. Ïdulukunata adorar chölu tukuqkunaqa lapanmi penqakuyanqa.
Manami pipapis ashmaynin kayänanpaqsu Israel runakunata Egiptupita jorqamushkä, sinöqa noqata sirviyämänanpaqmi. Noqami Tayta Diosniki kaykä.
Markakunacho altarkunata rurarmi Tayta Diosta rabyanäsiyarqan. Ïdulukunata adorayashpanmi ajanäsiyarqan.
Aluq kaq chankanqa yawarta saqsupaq y wirata rupasiq cürapa derëchunmi kanqa.
Saymannami apayashqan ïduluta churayarqan respitar adorayänanpaq. Cüratana churayarqan Moiséspa surin Gersón ayllu Jonatántami. Saypitaqa Jonatánpita miraq runakunalanami Dan trïbu runakunacho cüra kayarqan hasta juklä nacionman Dan trïbu runakunata prësu apayashqanyaq.
Tayta Dios unay qarqushqan mana Israel runakunanöla kawayarqan. Saynöpis Israel runakunapa mandaqnin reykuna kawayashqannölami lutankunata rurar kawayarqan.
Saynöpis say dioskunata adorayänanpaqmi lömakunachöpis y copösu jachakuna chakinkunachöpis wankakunata ichisiyarqan y Asera diösata adorayänanpaq raku qerukunatapis jawisiyarqan.
Paykunaqa Tayta Diospa mandamientunkunata mana cäsukurmi ishkay turïtukunata qoripita rurayarqan adorayänanpaq. Asera diösata adorayänanpaqpis raku qerukunatami jawisiyarqan. Saynölami intita, killata, qoyllarkunata y Baaltapis adorayarqan.
