Levítico 23:40 - Tayta Diospa Wilakuynin

⁴⁰ Fiesta qalaykunan junaq palmakunapa rämankunata, copösu jachakunapa rämankunata y mayu kuchuncho saucikunapa rämankunatapis pakirir qanchis junaq kushikuyashpayki Tayta Diosninsipa nawpancho fiestata rurayanki.

Levítico 23:40 Referans Kwoze

Apocalípsis 7:9

Saypitami rikarqä Tayta Dios jamarashqan trönupa nawpancho y Carnishpa nawpancho yupaytapis mana atipaypaq saysika runakuna palmankuna aptash y yuraq mödanan jatish kaykäyaqta. Paykuna kayarqan maysay nación runakuna, maysay trïbu runakuna, maysay marka runakuna y tukuy idiömata parlaq runakunami.

Filipenses 4:4

Jesucristupa makincho kawaykarqa imaypis kushikuyay. Yapaymi nï: ¡Kushikuyay!

Romanos 5:11

Saypis manami saylasu, sinöqa Señorninsi Jesucristo wanuyninpa perdonashna karmi Tayta Diosta kushish alabaykansi.

Juan 16:22

Saynölami qamkuna kanan lakikurpis yapay tinkush kushikuyanki. Say kushikuytaqa manami pipis qechushunkisu.

Juan 12:13

Saymi palmakunapa rämankunata apakurkur Jesústa chaskikuq aywayarqan. Jesústa rikarmi sinchipa niyarqan: <<¡Hosana! ¡Tayta Diospa jutincho shamuq runa alabash kaykuläsun! ¡Qammi Israel runakunapa mandaqnin rey kanki!>>

Mateo 21:8

Sayno aywaptinmi saysika runakuna kushikur punchunkunata näniman mashtayarqan. Saynölami wakinkunapis palmakunapa rämankunata pakirir pakirir näniman mashtayarqan.

Isaías 35:10

Tayta Dios salvashqan runakunami say nänipa Jerusalénman kutiyämunqa. Kushish cantaraykarmi Siónman yaykayämunqa. Saychömi imaypis kushishla kawayanqa. Kushish ali kawayaptinmi lakikuypis ni waqaypis kanqanasu.

1 Pedro 1:8

Mana rikash karpis Jesucristuta kuyaykäyankimi. Saymi payman yärakur seqaypa kushish kawaykäyanki. Sayno kushikuyashqaykita manami imanöpa tantiyasiytapis kamäpakuyankisu.

Filipenses 3:3

Cuerpunsita mana señalakurpis Espíritu Santu yanapämashqami Tayta Diosta sirviqkunaqa shonqunsicho señalashna kaykansi. Manami leykunata cumplirraqsu salvakunsi, sinöqa Jesucristuman yärakurmi.

Isaías 66:10

<<¡Jerusalénta kuyaqkuna, Jerusalénwan kushikuyay! ¡Jerusalénpaq waqaqkuna, lapayki kushikuyay!

Salmo 92:12

12 (13) Ali runakunaqa palmëra jachanöraqmi aska wata kawayanqa. Líbanucho cedru jachanöraqmi kayanqa.

Levítico 23:39

<<

Levítico 23:41

Cada wata qanchis kaq killacho Tayta Diosta adorar say fiestata qanchis junaq rurayanki. Say nishqäkunaqa imayyaqpis leymi qamkunapaq y qamkunapita miraqkunapaqpis kanqa.

Deuteronomio 12:7

Saychömi Tayta Diospa bendicionninwan mikuynikikuna wayushqanpita lapan castaykikunawan Diospa nawpancho kushish mikuyanki.

Salmo 137:2

Cantanansipaq gänasninsi mana kaptinmi arpansikunatapis sauciman warkurqansi.

Isaías 44:4

Qewa loqlurraq winaqnömi kayanqa. Mayu kuchunkunacho sauci verdiraqnöraqmi kayanqa.

Deuteronomio 12:12

Tayta Diosninsipa nawpanchömi olqu surikikunawan, warmi surikikunawan y ashmaynikikunawanpis shuntakaykur kushish adorayanki. Markaykikunacho taq levitakunatapis invitayanki shuntakaykur mikuyänaykipaq. Paykunapa manami chakrankunapis kanqasu.